17 Снежня
17.12.2018

12 правілаў паводзін пры лячэнні гепатыту С

logo
Кантралюй здароўе
56 0 18
Памер шрыфта:
  • A
  • A
  • A

З'яўленне на фармацэўтычным рынку прэпаратаў прамога супрацьвіруснага дзеяння стала велізарным крокам наперад у лячэнні віруса гепатыту С. Сучасныя лекавыя сродкі лягчэй пераносяцца, даюць менш пабочных эфектаў, дазваляюць скараціць курс тэрапіі, а іх эфектыўнасць блізкая да 100%. Тым не менш, гепатыт С – не прастуда. Ён патрабуе строгага захавання правілаў падчас курсу тэрапіі. Самая малая хібнасць і грэбаванне рэкамендацыямі ўрача могуць выклікаць непажаданыя пабочныя эфекты і ўскладненні, абясцэніць ужо дасягнутыя вынікі ў лячэнні.

Наш пастаянны эксперт, прафесар кафедры інфекцыйных хвароб Беларускага дзяржаўнага медыцынскага ўніверсітэта, доктар медыцынскіх навук Сяргей Жаваранак назваў 12 правілаў паводзін пры лячэнні віруса гепатыту С, якія неабходна выконваць няўхільна.

1. Запішыце дату пачатку лячэння – не спадзявайцеся на сваю памяць. Дакладная дата мае прынцыповае значэнне: на ёй будуць грунтавацца даты кантрольных абследаванняў для праверкі эфектыўнасці лячэння. Супрацьвірусная тэрапія пры гепатыце С сучаснымі прэпаратамі прызначаецца курсам 12 тыдняў ці 24 тыдні. Важна звярнуць увагу, што 12 і 24 тыдні – гэта не адно і тое ж, што 3 і 6 месяцаў адпаведна!

2. Прэпараты прамога супрацьвіруснага дзеяння неабходна прымаць штодня, у адзін і той жа час, дакладна выконваючы рэкамендацыі ўрача.

3. Недапушчальна прапускаць прыём лекаў, а таксама на сваё меркаванне мяняць дазоўку прэпарата, час і кратнасць прыёму!

4. Лекі пажадана прымаць падчас ежы, так паляпшаецца іх усмоктванне. Рыбавірын – толькі на сыты страўнік!

5. Час прыёму лекаў (раніца ці вечар) не мае строгага прынцыповага значэння. Аднак, калі гаворка ідзе пра вечар, прымаць прэпараты варта не менш, чым за 2-3 гадзіны да сну, бо часам яны могуць выклікаць праблемы з засынаннем.

6. Катэгарычна забаронена падчас курсу лячэння прымаць алкаголь у любым выглядзе і ў любых дозах!

7. Падчас лячэння катэгарычна забаронена ўжываць у ежу грэйпфрут і грэйпфрутавы сок. Узаемадзеянне фрукта з лекамі надзвычай таксічна для арганізма і можа прывесці да вельмі адмоўных наступстваў. Звярніце ўвагу, што існуюць гібрыдныя гатункі апельсінаў, перакрыжаваных з грэйпфрутам. Есці іх таксама нельга.

8. Забаронена прымаць любыя травяныя або раслінныя зборы і гарбату. Пры гэтым не мае значэння, набытыя яны ў аптэцы або сабраныя самастойна. У спіс забароненых уваходзяць таксама лекавыя настойкі і біядабаўкі.

9. Калі ёсць неабходнасць у прыёме прэпаратаў, прызначаных іншым спецыялістам (напрыклад, тэрапеўтам, кардыёлагам і г.д.), абавязкова паведаміце ўрачу аб прыёме прэпаратаў прамога супрацьвіруснага дзеяння. Аптымальным варыянтам будзе кансультацыя ў інфекцыяніста, каб выключыць непажаданыя эфекты ад узаемадзеяння паміж сабой лекаў розных груп.

10. Ні ў якім разе нельга самастойна прымаць любы спадарожны лекавы сродак. Неабходна папярэдняя кансультацыя з інфекцыяністам або гепатолагам, наколькі сумяшчальныя дадзеныя лекі з прэпаратамі супрацьвіруснага дзеяння.

11. Падчас курсу лячэння прынцыпова важна выключыць неабароненыя сэксуальныя кантакты, бо надыход цяжарнасці ў гэты перыяд недапушчальны. У аднолькавай ступені гэта тычыцца і жанчын, і мужчын. У мэтах засцярогі варта выкарыстоўваць гарманальныя або бар'ерныя кантрацэптывы.

12. Калі ў комплексную супрацьвірусную тэрапію ўключаны рыбавірын, неабходна таксама выключыць магчымасць цяжарнасці на працягу 7 месяцаў пасля заканчэння курса лячэння.

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

56 0 18

Журналіст. Вышэйшая адукацыя. Сябра Беларускага саюза журналістаў. Стаж працы ў прафесіі – 20 гадоў. Беларуска. Нарадзілася ў г.Ганцавічы Брэсцкай вобласці. У 2001 годзе скончыла факультэт журналістыкі Беларускага дзяржаўнага ўніверсітэта па спецыяльнасці «Журналістыка». Працавала спецыяльным карэспандэнтам аддзела эканомікі газеты «Беларуская ніва», аглядальнікам аддзела пісьмаў, аглядальнікам аддзела сацыяльных праблемаў газеты «Савецкая Беларусь» (зараз – «Выдавецкі дом «Беларусь сёння»). З 2016 года – карэспандэнт уласны аддзела інтэрнэт-праектаў РУП «Рэдакцыя газеты «Медыцынскі веснік». З 2000 года з'яўляецца сябрам Беларускага саюза журналістаў (БСЖ). У 2002 годзе стала лаўрэатам прэміі БСЖ за лепшую журналісцкую працу. У 2017 годзе – лаўрэатам прэміі БСЖ «Залатое пяро».