21.03.2020
21.03.2020

9 практыкаванняў для ўмацавання мышцаў спіны. Перад дачай і роварам

logo
Здаровы лад жыцця
0 84
Памер шрыфта:
  • A
  • A
  • A

На падыходзе дачны і веласезон. Значыць, спатрэбіцца сіла мышцаў, асабліва спіны. Публікуем правераныя і эфектыўныя практыкаванні для ўмацавання паяснічна-крыжовага аддзела, рэкамендаваныя ўрачамі. Іх можна рабіць для прафілактыкі, а таксама пры прыкметах дэгенерацыйнага працэсу ў паяснічных міжпазванковых дысках, калі спіна ўжо пабольвае ад нагрузкі.

Практыкаванні для спіны

 

Практыкаванні для спіны.

Як рабіць

  • Кожнае практыкаванне паўтараць да 6 разоў.
  • Можна ў адвольнай паслядоўнасці.
  • Неабавязкова ўсё адразу.
  • Калі ўзніклі болевыя адчуванні, выкананне практыкавання варта перапыніць.
  • Усе практыкаванні робяцца, лежачы на спіне на дыванку.

Практыкаванне 1

Не адрываючы пяткі ад падлогі, пацягнуць пальцы ног на сябе. Трымаць 15-20 секунд.

Практыкаванне 2

Не адрываючы ад падлогі хвасцец і плечы, прыўзняць жывот. Трымаць 15-20 секунд.

Практыкаванне 3

Лежачы на спіне, звесці лапаткі. Трымаць 15-20 секунд.

Практыкаванні для спіны.

Практыкаванне 4

Сагнуць ногі ў каленях, ступні паставіць на падлогу. Звесці ногі разам і імкнуцца пакласці калені набок. Плечы не адрываць ад падлогі. Трымаць 15-20 секунд.

Практыкаванне 5

Ногі сагнуць у каленях, ступні – на падлозе. Ступню левай нагі пакласці на калена правай. Калена левай нагі імкнуцца адвесці як мага ніжэй. Трымаць 15-20 секунд. Паўтарыць, памяняўшы ногі.

Практыкаванне 6

Ногі сагнуць у каленях, ступні – на падлозе. Ступню левай нагі пакласці на калена правай. Падняць сцягно. Трымаць 15-20 секунд (неабавязкова высока). Паўтарыць, памяняўшы ногі.

Практыкаванні для спіны.

Практыкаванне 7

Ногі выцягнутыя. Ступню левай нагі пакласці на калена правай. Калена левай нагі імкнуцца адвесці як мага ніжэй. Трымаць 15-20 секунд. Паўтарыць, памяняўшы ногі.

Практыкаванне 8

Ногі выцягнутыя, ляжаць на шырыні плячэй. Адарваць сцёгны ад падлогі. Трымаць 15-20 секунд (неабавязкова высока).

Практыкаванне 9

Ногі падняць у вертыкальнае становішча (перпендыкулярна падлозе). Сагнуць ногі ў каленях і трымаць вольна. Скрыжаваўшы рукі на грудзях, прыўзняць галаву і верхнюю частку тулава. Трымаць 15-20 секунд.

 

Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by

0 84

Журналіст і медыятар. У журналістыцы каля 20 гадоў. Асноўная цікавасць – сацыяльныя праблемы. Скончыла журфак БДУ. Да партала «Здаровыя людзі» і газеты «Медыцынскі веснік» працавала ў рэдакцыі «Аргументы і факты» ў Беларусі, штотыднёвіках «СССР: постфактум», «Маскоўскі камсамолец ў Беларусі», нацыянальнай грамадска-асветніцкай газеце «Культура», інтэрнэт-выданні Оpen.by. Сябра Беларускай асацыяцыі журналістаў. Матэрыялы Ганны выдзяляюцца выразнай структурай, глыбінёй раскрыцця тэмы і сваёй аналітычнасцю. Хобі: літаратура, напісанне дзіцячых кніг. Аўтар праектаў: ТэДДзі (Трыбуна для дзяцей) – нацыянальная пляцоўка для выказвання меркаванняў і пазіцый дзяцей па хвалюючых праблемах (сумесны праект штотыднёвіка «Аргументы і факты» ў Беларусі, РГА «Беларуская Асацыяцыя клубаў ЮНЕСКА», Прадстаўніцтва Дзіцячага фонду ААН у Рэспубліцы Беларусь (ЮНІСЕФ) . «Урачы – таксама людзі» (24health.by), «Хатні догляд цяжкахворых» (сумесна з Беларускім таварыствам Чырвонага Крыжа) (24health.by), «Урачэбныя анлайн-канферэнцыі» (24health.by сумесна з tut.by).