14 Ліпеня
14.07.2018

Бацвінне: царская страва ў сялянскім выкананні

logo
Здаровае меню
86 0 36
Памер шрыфта:
  • A
  • A
  • A

Бацвінне – славянская страва, якая ў гарачыя летнія дні была частым госцем на сталах нашых продкаў. Сёння гатуюць яе радзей, бо ў пэўны момант з-за кошту прадуктаў гэту страву мала хто мог сабе дазволіць. Але зараз рэцэпт адраджаецца ў некалькі мадыфікаваным і больш даступным выглядзе. Сваю назву гэты летні халодны суп атрымаў з-за таго, што для прыгатавання трэба вялікая колькасць разнастайнага бацвіння.

Некалі бацвінне можна было ўбачыць не толькі на сталах простых людзей, але і каранаваных асоб. Вядомая гісторыя, калі Аляксандр I у знак сваёй прыхільнасці даслаў пасол з Англіі рондаль з бацвіннем. І калі на наступны дзень манарх пацікавіўся ў пасла яго ўражаннем ад стравы, той сумеўся і сказаў, што слуга, мабыць, замарудзіўся і прынёс суп халодным. А ў разагрэтым выглядзе суп, мабыць, страціў свой першапачатковы смак. Ці варта казаць, што гэтая гісторыя адразу ж стала анекдотам сярод рускага дваранства.

Як і ў выпадку з іншымі летнімі халоднымі супамі, рэцэпты бацвіння і набор інгрэдыентаў могуць вар'іравацца. Суп можна прыгатаваць як на вадзе, так і на квасе або кіслай заквасцы.

Акрамя таго, існуюць такія паняцці, як поўнае і няпоўнае бацвінне. У класічным варыянце гэты летні халодны суп падаюць у трох талерках. У першай – уласна суп з бурачнага бацвіння. У другой – адварная рыба (ласось, сяўруга, асётр). У трэцяй – колаты лёд. Як вы разумееце, бюджэт такога рэцэпту ўзлятае непрыстойна высока, таму цалкам можна абыйсціся адным толькі супам.

Бурачнае бацвінне

Інгрэдыенты

  • Маладыя буракі з бацвіннем – 1-2 шт.
  • Бульба – 3 шт.
  • Цыбуля рэпчатая – 1 шт.
  • Морква – 1 шт.
  • Памідор – 2-4 шт.
  • Агурок – 2-3 шт.
  • Зеляніна, смятана.

Прыгатаванне

Буракі падзяліць на тры часткі: карняплод, хвосцікі і лісце. Карняплод, моркву, бульбу і цыбулю пачысціць і нарэзаць саломкай. Хвосцікі і лісце - невялікімі кавалачкамі па 2 см.

На агонь паставіць рондаль з вадой. Пасля закіпання дадаць бульбу, пасаліць. Туды ж хвілін праз 5 дадаць хвосцікі буракоў.

Асобна ў патэльні на алеі абсмажыць цыбулю, моркву, буракі. Калі агародніна трохі пратушыцца і стане мяккай, дадаць нарэзаныя кубікамі памідоры і агуркі.

Праз 5-10 хвілін падсмажаную агародніну пакласці ў рондаль з бульбай і хвосцікамі буракоў, туды ж дадаць лісце буракоў і варыць да гатоўнасці.

Прыгатаванае такім чынам бацвінне можна есці як цёплым, так і ў астуджаным выглядзе. У суп можна дадаць зеляніну і адварное яйка.

Бацвінне на квасе

Інгрэдыенты

  • Бацвінне буракоў – 1 пучок.
  • Агурок свежы – 4-6 шт.
  • Цыбуля зялёная, кроп, соль.
  • Цукар – 1 ст. л.
  • Хлебны квас – 3 л.

Прыгатаванне

Бурачнае бацвінне адварыць у падсоленай вадзе на працягу 15 хвілін. Ваду зліць, бацвінне астудзіць і нарэзаць дробнымі кубікамі.

Нарэзаныя дробнымі кубікамі агуркі змяшаць з бацвіннем, апусціць у квас, дадаць цукар, соль, зеляніну. Гатовую страву трэба астудзіць і можна падаваць да стала.

Бацвінне звычайнае з рыбай

Інгрэдыенты

  • Шпінат і шчаўе – па 250 г.
  • Хлебны квас – 1 л.
  • Агуркі свежыя – 2 шт.
  • Адварная рыба – 250 г.
  • Лімонная цэдра – 1 ч. Л.
  • Цыбуля зялёная – 75 г.
  • Корань хрэна – 50 г.
  • Кроп.

Прыгатаванне

Шчаўе і шпінат неабходна добра прамыць, прыпусціце ў невялікай колькасці гарачай вады і прапусціце праз сіта. Атрыманую зялёную масу трэба астудзіць, дадаць соль, цукар, лімонную цэдру і квас, нарэзаныя кубікамі агуркі, зялёную цыбулю і кроп. Асобна падаваць адварную або салёную рыбу (ласось, сёмга, акунь, омуль, нельма), пры жаданні – корань хрэна.

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

86 0 36