04.08.2018
04.08.2018

Чарнічны суп. Не чулі? Дык пакаштуйце!

logo
Рэцэпты
0 28
Памер шрыфта:
  • A
  • A
  • A

Не, мы не памыліліся ў вызначэнні. Супы гатуюць не толькі са звыклых для гэтай стравы прадуктаў: агародніны, круп, мяса, птушкі, рыбы, малака, – але таксама з садавіны і ягад. Вядома, у якасці асноўнай стравы ў абедзеным меню яны наўрад ці падыдуць. Але як дэсерт ідэальныя: салодкія, з крэмавай тэкстурай, багатыя на вітаміны і з мінімумам калорый.

Сёння мы прапануем вам прыгатаваць суп з чарніц. Гэта выдатны спосаб сумясціць прыемнае з карысным. Гатуецца суп імгненна, затое цудоўнае свежае задавальненне, якое вы атрымаеце ад яго, застанецца з вамі надоўга.

Інгрэдыенты:

  • свежыя чарніцы – 400 г;
  • апельсінавы сок – 1 л;
  • цукар – 0,5 шклянкі;
  • молатая карыца – ¼ ч. л.;
  • соль – на кончыку нажа;
  • сок цытрыны – 1 ч. л.;
  • свежая мята.

Спосаб прыгатавання:

У вялікі рондаль насыпце чыстыя свежыя чарніцы, дадайце апельсінавы сок, цукар, соль і молатую карыцу. Змяшайце і пастаўце на сярэдні агонь. Суп, памешваючы, трэба давесці да кіпення, але не кіпяціць. Са з'яўленнем першых бурбалак зніміце рондаль з агню і злёгку астудзіце суп.

Затым дадайце ў страву лімонны сок і змешвайце ў блендары да таго часу, пакуль тэкстура супу не стане гладкай і аднастайнай.

Суп можна падаваць цёплым або папярэдне астудзіўшы ў халадзільніку. Ён выдатна глядзіцца ў парцыённых крэманках, упрыгожаны лісцікам свежай мяты.

Перад падачай у кожную порцыю можна дадаць па 1 сталовай лыжцы натуральнага ёгурта. Гэта надасць супу лёгкае сметанковае адценне.

Найбуйнейшым у свеце вытворцам чарніц з'яўляюцца ЗША. А амерыканскі горад Хамантан, штат Нью-Джэрсі, з поўным правам прэтэндуе на званне «чарнічнай сталіцы свету». Менавіта тут кожны год праходзіць фестываль чарніц, на які з'язджаюцца дзясяткі тысяч людзей з усяго свету. У 2011 годзе тут быў пастаўлены своеасаблівы рэкорд: падчас фестывалю, які доўжыцца ўсяго адзін дзень, было прададзена каля 2 мільёнаў пінт чарніц (1 пінта = 0,55 л).

Гатаваць дэсертныя супы можна практычна з любых ягад і садавіны. Мона- і шматкампанентныя. На цукровым сіропе, соку або малацэ. З салодкім пламбірам - для дзіцячага свята, і з пеністым шампанскім – для нясумнай вечарыны 18+. Ёсць толькі адно непарушнае правіла іх прыгатавання: ніякіх правілаў няма! А таму даверцеся сваёй фантазіі і, варожачы на кухні, дамагайцеся таго самага смакавага спалучэння, якое палюбіць уся ваша сям'я.

Смачна есці!

Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by

0 28

Журналіст. Вышэйшая адукацыя. Сябра Беларускага саюза журналістаў. Стаж працы ў прафесіі – 20 гадоў. Беларуска. Нарадзілася ў г.Ганцавічы Брэсцкай вобласці. У 2001 годзе скончыла факультэт журналістыкі Беларускага дзяржаўнага ўніверсітэта па спецыяльнасці «Журналістыка». Працавала спецыяльным карэспандэнтам аддзела эканомікі газеты «Беларуская ніва», аглядальнікам аддзела пісьмаў, аглядальнікам аддзела сацыяльных праблемаў газеты «Савецкая Беларусь» (зараз – «Выдавецкі дом «Беларусь сёння»). З 2016 года – карэспандэнт уласны аддзела інтэрнэт-праектаў РУП «Рэдакцыя газеты «Медыцынскі веснік». З 2000 года з'яўляецца сябрам Беларускага саюза журналістаў (БСЖ). У 2002 годзе стала лаўрэатам прэміі БСЖ за лепшую журналісцкую працу. У 2017 годзе – лаўрэатам прэміі БСЖ «Залатое пяро».
Глядзіце таксама