Кожны дзень прадстаўніцы жаночага полу робяць шмат доглядавых працэдур, каб заставацца прыгожымі. У выніку бывае так, што ўсе гэтыя працэсы ператвараюцца ў руціну. Але калі паставіцца да іх як да рытуалу і ўспрымаць як час для сябе, то, самі не заўважыце, як зменіцца ваш настрой. Вам будзе прыемна назіраць за тым, як візуальна змяняецца ваша знешнасць у лепшы бок.
У гэтым матэрыяле раскажам пра галоўныя сакрэты па доглядзе за валасамі, асабліва цяпер у зімовы час, бо яны маюць патрэбу ў дадатковым клопаце .
Пачнём з таго, што вельмі важна чысціць добра скуру галавы. А шампунь важна выбіраць па тыпе скуры.
Можна падзяліць шампуні на 2 катэгорыі: празрысты і перламутравы. Празрысты — звычайна ачышчальны, ачышчае скуру галавы «да скрыпу», ён падыходзіць для нармальнай і тоўстай скуры галавы, перламутравы — больш пажыўны з алеямі, у большасці выпадкаў падыходзіць для сухой скуры галавы і афарбаваных валасоў.
Сродкі па догляду за валасамі
Скраб для скуры галавы: дапамога ў барацьбе з выпадзеннем валасоў і перхаццю
Выкарыстоўваць скраб для скуры галавы неабходна 1 раз у 1-2 тыдні, асабліва калі вы выкарыстоўваеце стайлінгавыя сродкі для валасоў. У яго складзе звычайна знаходзяцца часціцы, якія скрабіруюць скуру галавы, мята і соль.
Чым карысны скраб?
- Прадухіляе перхаць
- Ачышчае ад стайлінгу і алеяў, якія забіваюць цыбуліны валасоў
- Паскарае рост валасоў, асабліва «падшорстка»
- Памяншае сальнасць (для тоўстай скуры галавы гэта карысна)
- Можна выкарыстоўваць перад нанясеннем маскі для лепшага ўбірання карысных кампанентаў
Маска для валасоў. Чаму яе не трэба наносіць на карані?
А вы ведалі, што нельга наносіць маску на карані валасоў? Трэба заўсёды адыходзіць 2-10 см ад скуры галавы, каб не забіваць цыбуліны. Маска і бальзам дапамагаюць закрыць лускавінкі воласа пасля мыцця, і нармалізаваць кіслотна-шчолачны баланс ph скуры галавы.
Узімку маска для валасоў — гэта дадатковае пітанне і ўвільгатненне. Батарэі сушаць нашы валасы, з іх выпараецца вільгаць, волас пачынае электрызавацца.
Абавязкова раз у тыдзень (раз у 3-4 мыцця, у залежнасці ад тыпу скуры галавы) выкарыстоўвайце маску. Нанасіце яе на 10-15 хвілін.
Часта мы можам пачуць міф, што маскі трэба грэць, а пасля апранаць пакет на галаву. Насамрэч, гэтыя працэсы ніяк не ўплываюць на пранікненне карысных элементаў у цыбуліны.
Тэрмаахоўныя спрэі. Чаму наносіць варта адразу на далоні, а не на валасы?
Тэрмаахова — гэта спрэй для валасоў, масла для валасоў, сыроватка, якія абараняюць валасы ад агрэсіўных уздзеянняў навакольнага асяроддзя, фена.
Як правільна наносіць тэрмаахову?
- наносім перад сушкай фенам
- трэба распыліць прадукт пасля мыцця не на вільготныя валасы, а на далоні
- валасы расчэсваць можна толькі пасля нанясення, каб не траўміраваць
- карані ў тэрмаахове не маюць патрэбы
Пры выкарыстанні прасу альбо плойкі валасы павінны быць сухімі, гэта важна!
Ці дапаможа сухі шампунь зрабіць стыльную укладку?
Сухі шампунь — гэта не шампунь для штодзённага выкарыстання. Але ён дапаможа вам у экстранай сітуацыі, калі вы, напрыклад, праспалі і няма часу прывесці галаву ў парадак! Ён візуальна робіць валасы не бліскучымі, а матавымі, абсарбуе тлушч на скуры галавы.
Лайфхак. Як выкарыстоўваць сухі шампунь?
Лаконы будуць аб'ёмныя і трымаць форму доўга, калі выкарыстоўваць сухі шампунь замест лаку, які склейвае валасы. Укладка будзе выглядаць вельмі стыльна.
Наносіць яго варта распыляючы на карані, адыходзячы 10-15 см, затым пакінуць на пару хвілін, уцерці пальцамі, прачасаць.
Шапка для валасоў, навалачкі, расчоскі. Як бытавыя аксэсуары ўплываюць на нашы валасы?
Насамрэч вельмі важна сціраць шапку для валасоў мінімум раз на тыдзень, у ёй запасіцца себум і рэшткі стайлінгу. Шапкі лепш набываць з натуральных матэрыялаў (поўсць, бавоўна). Навалачкі таксама ўплываюць на тлустасць скуры, не забываем іх мяняць часцей. Расчоскі трэба мыць у мыльнай вадзе.
Розныя перапады тэмпературы ў памяшканні, на вуліцы, атапленне — падсушваюць і тлушчаць скуру галавы. Таму догляд вельмі важны.
Дзякуючы гэтым парадам вы зможаце правесці час з сабой і выглядаць выдатна кожны дзень.
