18.02.2023
18.02.2023

Духмяны і сытны. Як хутка прыгатаваць крэм-суп з шампіньёнаў?

logo
Рэцэпты
0
Памер шрыфта:
  • A
  • A
  • A

Крэм-суп — смачная страва з прыемнай кансістэнцыяй. Правільна прыгатаваны, ён адрозніваецца насычаным сметанковым смакам і мае шаўкавістую аднастайную структуру.

Стравы з грыбоў

Грыбны крэм-суп з шампіньёнаў з'яўляецца адным з самых папулярных сярод астатніх крэм-супаў. Ён зарадзіўся ў Францыі. Затым заваяваў папулярнасць у іншых краінах. Сёння яго падаюць як у маленькіх кавярнях, так і ў вытанчаных рэстаранах.

Крэм-суп з шампіньёнаў

Пастаяны аўтар Слушна Святлана Карніцкая прапануе нам свой пакрокавы рэцэпт крэм-супа з шампіньёнаў і бульбы. Атрымліваецца сытны, духмяны, карысны, лёгкі суп хуткага прыгатавання.

Інгрэдыенты для крэм-супа

Інгрэдыенты

  • Бульба — 2-3 шт
  • Рэпчатая цыбуля — 1 шт
  • Шампіньёны — 120-150 г
  • Часнок — 1-2 зубчыка
  • Сліўкі 20% — 200 мл
  • Сметанковы алей — кавалачак
  • Раслінны алей — для падсмажвання
  • Соль, молаты чорны перац — па гусце

Наразаем бульбу

Спосаб прыгатавання

Дробна парэзаць 2 буйныя бульбіны, каб яна хутчэй зварылася. Пакласці бульбу ў ваду, паставіць варыцца. Трошкі пасаліць ваду.

Дробна нарэзаць цыбулю

Цыбулю дробна пэрэзаць.

Абсмажыць цыбулю на агні

Патэльню нагрэць і дадаць у яе сметанковы алей. Абсмажыць цыбулю на сметанковым алеі да празрыстага залацістага колеру.

Наразаем грыбы

У гэты час наразаем грыбы.

Дадаць грыбы да цыбулі

Дадаць грыбы да цыбулі, туды ж дадаем трохі расліннага алею, а пасля заправу: соль, сумесь перцаў, грануляваны часнок.

Наразаем часнок

Наразаем часнок. Спачатку яго трэба раздавіць, пасля пасекчы на дробныя кавалачкі. Смажым з цыбуляй і грыбамі.

Смажыць да гатоўнасці грыбоў, увесь час памешваючы, каб не прыгарэла.

Зліць ваду з бульбы

Калі бульба зварыцца, зліць ваду, але можна, на ўсялякі выпадак, пакінуць шклянку вады, у якой варылася бульба. Аўтару вада дадаткова не спатрэбілася, яна практычна зліла ўсю яе.

Смажам з цыбуляй і грыбамі

Дадаць грыбы з цыбуляй у бульбу, дадаць сліўкі, соль, перац і здрабніць блэндэрам. Калі вам здаецца, што суп густаваты, дадаць тую самую ваду, якую пакінулі пасля варкі.

Крэм-суп з шампіньёнаў

Есці можна з грэнкамі. Падавайце упрыгожыўшы зелянінай, а таксама  можна пакласці пару лустачак грыбоў.

Смачна есці!

Страва для настрою. Ідэальны гарбузовы суп

Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by

0

Я нарадзілася і жыву ў горадзе Мінску. З дзяцінства цягнулася да творчасці і прафесію выбрала незвычайную. У 2016 годзе скончыла біялагічны факультэт БДУ, 6 гадоў кар'ернага шляху звязала з лабараторнай дыягностыкай. Вывучала прынцыпы працы медыцынскага абсталявання і навучала лекараў і лабарантаў працаваць на ім. Пастаянна пісала і стварала кароткія кіраўніцтвы, памяткі, алгарытмы, аптымізуючы працу супрацоўнікаў для спецыялістаў ва ўстановах аховы здароўя. Цяпер я блогер, SMM-спецыяліст, вучу іншых людзей, як весці сацыяльныя сеткі. У мяне ёсць свой тэлеграм-канал з рэцэптамі і тэлеграм-канал па развіццю сацыяльных сетак.