15.08.2017
15.08.2017

Мабільны кардыёграф распрацаваны беларускімі спецыялістамі

logo
Навiны
0 4
Аўтар:
Памер шрыфта:
  • A
  • A
  • A

Па даных Сусветнай арганізацыі аховы здароўя, захворванні сардэчна-сасудзістай сістэмы з'яўляюцца галоўнай прычынай смяротнасці насельніцтва зямлі. Прычым не толькі і не столькі самі па сабе захворванні, колькі іх позняя дыягностыка. Таму беларускія спецыялісты распрацавалі ўнікальны мабільны электракардыёграф, які дасць магчымасць кожнаму самастойна кантраляваць работу сэрца.

Ідэя яго стварэння ў тым, што кожны чалавек у любы час і ў любым месцы зможа ацаніць стан свайго сэрца.

Ужо гатовы прататып, на 2018 год запланавана масавае вытворчасць кардыёманітора Coremergy. Над яго распрацоўкай карпела каманда, у склад якой увайшлі фізікі, матэматыкі і ўрачы-кардыяхірургі з Беларусі і Расіі.

У аснове комплексу – аналіз частотных характарыстык сігналу, якія атрымлівае кардыёманітор. У выніку даецца не проста заключэнне аб нармальнай рабоце сэрца ці адхіленні ад нормы, але і ёсць магчымасць дыягнаставаць сем асноўных відаў арытміі. У будучыні плануецца павялічыць іх колькасць да паўтара дзясяткаў.

Сутнасць працы прыбора такая: на смартфон усталёўваецца адмысловы бясплатны дадатак, у якім створаны асабісты кабінет карыстальніка з гісторыяй выкананых кардыяграм. Затым прыбор падключаецца да тэлефона з дапамогай Bluetooth і да вялікіх пальцаў рук з дапамогай спецыяльных кантактаў прыбора. І ўсё, кардыяграма адаб'ецца на экране смартфона і праз дзве хвіліны праграма выдасць вынік, які ў фармаце pdf можна адправіць урачу, захаваць у воблаку ці асабістым кабінеце.

Зараз працуюць над стварэннем матэматычнага алгарытму, што дазволіць ацэньваць работу сэрца ў розных умовах – пасля фізічных і эмацыйных нагрузак – з максімальна дакладным вынікам. Таксама працуюць над паляпшэннем якасці сігналу.

Дарэчы, прыбор не з'яўляецца медыцынскім. Ён прызначаны для маніторынгу стану работы сэрца і своечасовага звароту да ўрача ў выпадку выяўлення адхіленняў.

Прыкладны кошт навінкі складзе 200 беларускіх рублёў. Зарадка – ад usb-кабеля. Таўшчыня – усяго 6 міліметраў.

А нам застаецца толькі чакаць, калі вынаходніцтва паступіць у масавы продаж і стане даступным для ўсіх.

Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by

0 4

Глядзіце таксама