Мужчынская адзінота. Адказы на пытанні. Частка 1 (+відэа)

Калі Слушна і наш партнер інфармацыйны партал Здаровыя людзі пачыналі весці рубрыку «Пра што маўчаць мужчыны», то выказвалі розныя меркаванні пра тое, якія тэмы могуць быць найбольш актуальныя. Але вынік апынуўся нечаканым.

Больш за ўсё чытачоў і гледачоў YouTube-канала ўсхвалявала праблема мужчынскай адзіноты. Відэаролік сабраў амаль 180 тысяч праглядаў і каля 1200 каментароў. Мужчыны і жанчыны спрачаюцца пра гэтую важную тэму, дзеляцца сваім вопытам, сумненнямі і страхамі.

Усе пытанні можна ўмоўна падзяліць на дзве вялікія групы.

• Мне добра на самоце. Не хачу адносін. Што са мной не так?
• Мне дрэнна ў адзіноце. Ці значыць гэта, што я нясталы і не самадастатковы чалавек?

Па адказы карэспандэнт звярнулася да пастаяннага эксперта рубрыкі Аляксандра Тыманюка, магістра псіхалагічных навук, гештальт-тэрапеўта, супервізара Маскоўскага Гештальт Інстытута, старшыні праўлення заснавальнікаў АГА «Цвярозая Сіла» Брэста.

Vladislav North Skif:

— Тэхнакратычная цывілізацыя, соцыум стварылі ўмовы, у якіх людзі перастаюць быць людзьмі. Хутка ўсе проста ператворацца ў шэрую біямасу. Сацыяльныя сеткі, кантакты, сайты знаёмстваў скажаюць псіхіку, правільнае ўспрыманне свету. Сядзіць маладая пара, хлопец і дзяўчына, на лаўцы. Кожны сабе ўтаропіўся ў тэлефон, а маленькае дзіця бегае вакол па траве, разглядае казурак, жукоў, мурашак і гэтак далей. І гэта цяпер усюды так, куды б вы ні пайшлі. У кафэ, на пляжы, на вакзале, у аэрапорце – усюды адна карціна! А потым дзівяцца, чаму мы самотныя?

іаан 1:

— Думаю, кожны мужчына жадае быць зразуметым, пастаянных, моцных, надзейных, узаемных адносін. Адзінокія мужчыны навучаны здрадай, хлуснёй і абыякавасцю самых блізкіх людзей. Страх падацца слабым і адчуць здраду той, перад якой адкрыўся.

Вадзім Беламоін:

— Адзінота – гэта стан думак. Я, напрыклад, не магу сустракацца з першай, якая трапіла на вочы. Не, я не закамплексаваны, проста сябе паважаю. І дзяўчыну, якая будзе побач, таксама хачу паважаць. У нас сем'і будуюцца па сістэме нечаканчыка ( «залёту»). Я не хачу потым высвятляць і думаць, якія гэта там лепшыя гады на мяне патрацілі. Таму пакуль адзін. Тут многія пішуць, што свабода – гэта кайф. Той, хто так кажа, напэўна рос без бацькі.