29 Чэрвеня
29.06.2017

На пляж без цэлюліту! Рыхтуемся, дзяўчаты (+аўдыё)

logo
Затрымай маладосць
728 0 552
Памер шрыфта:
  • A
  • A
  • A

У народзе кажуць: калі ў жанчыны з'явіўся цэлюліт, пазбавіцца ад яго ўжо немагчыма. Здаровыя людзі вырашылі разабрацца, ці так гэта.

У сезон адпачынкаў, пляжаў і максімальна агаляючага цела адзення ледзь не кожная прадстаўніца прыгожага полу асабліва старанна ацэньвае сябе ў люстэрку на прадмет цэлюліту. У суцяшэнне скажам, што ад такой напасці пакутуюць да 90% усіх дам і нават прыкладна 20% мужчын. Схільныя да яго як пампушкі, так і абсалютныя худышкі. Нягледзячы на ўсеагульную распаўсюджанасць, сучасныя каноны прыгажосці прымушаюць нас шукаць спосаб перамагчы «апельсінавую скурку».

да зместу

Мілыя «ямачкі» сталі пагоркамі

Цэлюліт – утварэнне тлушчавых адкладанняў у падскурнай клятчатцы. Структурныя змены, якія там адбываюцца, прыводзяць  да парушэння мікрацыркуляцыі і лімфатычнага адтоку. Паражае цэлюліт сцёгны, ягадзіцы, рукі, спіну, жывот.

Між іншым, касметычным недахопам, ад якога імкнецца пазбавіцца кожная дзяўчына, цэлюліт стаў лічыцца толькі з 1973 года. Да гэтага пагоркі на скуры не выклікалі негатыву і нават ласкава называліся «ямачкамі». Усё змянілася пасля артыкула ў часопісе Vogue уладальніцы буйнога нью-ёркскага салона прыгажосці Ніколь Ронсар. У сваім матэрыяле модная дама называла непрыстойным мець «апельсінавую скурку». Пазбаўляцца ад яе рэкамендавалася шляхам касметалагічных працэдур. Неўзабаве яны сталі вельмі прыбытковай справай. І ад напасці сталі лячыцца дамы па ўсім свеце.

да зместу

Чаму ўзнікае цэлюліт?

  • Спадчыннасць. Калі ў вашай мамы быў цэлюліт, дык шанц займець яго ў спадчыну вельмі вялікі. У сучасным свеце з'явіцца ён можа нават у дзяўчынкі-падлетка.
  • Няправільнае харчаванне. Недастатковае ўжыванне вадкасці і лішак салёнага і тлустага прыводзяць да парушэння абменных працэсаў у арганізме. Гэта асноўная прычына з'яўлення «апельсінавай скуркі».
  • Стрэс. Адсутнасць паўнавартаснага сну і пастаяннае трапанне нерваў не самым лепшым чынам адбіваюцца на стане тканак арганізма.
  • Павярхоўнае дыханне. Пачашчанае дыханне прыводзіць да таго, што тканкі недастаткова насычаюцца кіслародам. Як следства – застойныя з'явы.
  • Вузкае адзенне. Таксама нярэдка цэлюліт з'яўляецца з-за занадта моцна абліпальных джынсаў, штаноў, панчох, якія не фізіялагічныя для арганізма, асабліва ў вобласці сцёгнаў і ягадзіц.
  • Высокія абцасы. Наяўнасць высокага абцаса прыводзіць да таго, што запавольваецца працэс кровазвароту ў нагах, адсюль і застойныя з'явы ў тканках.
да зместу

Пазбавіцца ад «скуркі» можна

Прадстаўнікі салонаў прыгажосці і трэнеры ў адзін голас сцвярджаюць: перамагчы цэлюліт можна. Для гэтага трэба мець шмат цярплівасці і перагледзець свой лад жыцця.

Аб нюансах барацьбы з ненавіснай многімі «апельсінавай скуркай» распавёў Дзяніс Клімовіч.

 
Дзяніс Клімовіч
Інструктар па фітнэсу і бодзібілдынгу клуба Bunker Gym
да зместу

Чатыры стаўпы барацьбы з цэлюлітам

Харчаванне

Правільны рацыён – 70% поспеху барацьбы з цэлюлітам. Без гэтай умовы ніякія іншыя спосабы проста не будуць працаваць.

  • Піце чыстую пітную ваду, не менш за 1,5-2 літры ў дзень. Гарбата і кава ў залік не ідуць. Гаворка ідзе менавіта пра ваду. Для лепшага тлушчаспальвання часам у яе дадаюць лімон або імбір. Пахуданню спрыяе і ўжыванне цытрусавых. З'едзены перад сном грэйпфрут з гэтага пункту гледжання вельмі эфектыўны. Але такі варыянт не падыходзіць людзям з павышанай кіслотнасцю страўніка.
  • Ужывайце як мага менш солі і цукру. Першая затрымлівае вадкасць у арганізме, выклікае застойныя з'явы ў тканках. А лішак глюкозы асядае на баках і адкладваецца ў падскурна-тлушчавым пласце, што спрыяе з'яўленню цэлюліту.
 
Дзяніс Клімовіч
Інструктар па фітнэсу і бодзібілдынгу клуба Bunker Gym
Цалкам адмовіцца ад салодкага, ды яшчэ і рэзка, практычна немагчыма. У мяне займалася кліентка, якая з ходу перастала ўжываць цукар. Праз некалькі тыдняў патрэба яе арганізма ў глюкозе была такой высокай, што яна не вытрымала. Намачыла кавалак хлеба і макнула яго ў цукарніцу. Для таго, каб перайсці да новага рэжыму харчавання, патрабуецца 21 дзень. Памяншайце дозу салодкага паступова, пераходзьце на больш бяспечныя прадукты. Хімічныя пірожныя замяняйце зефірам, цукар – мёдам (1 чайная лыжка штодня бясшкодная для фігуры), старайцеся есці шакалад з высокім утрыманнем какава-бабоў (каля 70%), выключыце выпечку.
  • Насычайце арганізм вітамінамі, карыснымі тлушчамі. З гэтай мэтай піце рыбін тлушч, ільняное масла. Яны ўтрымліваюць Амега-3 і Амега-6 тлустыя кіслоты, якія добра адаб'юцца на стане скуры, пазногцяў і валасоў. омега 3 кислотыДастаткова будзе выпіць з раніцы адну сталовую лыжку тлушчу або масла. Або набыць у аптэцы жэлацінавыя капсулы (трэба прыкладна 2 у дзень). Для перакусу днём добра падыдуць арэхі (не смажаныя, не салёныя і без смакавых дабавак), сухафрукты, палепшыць знешні выгляд і эластычнасць скуры дапаможа і марская капуста.
  • Адмоўцеся ад малочных прадуктаў з высокай тлустасцю. Аптымальны працэнт – каля 2.
  • Старайцеся ўжываць вугляводы (кашы, хлеб) да 15.00. Цалкам адмовіцца ад вугляводаў, як і ад тлушчаў, нельга. Старайцеся замяніць простыя вугляводы (гэта, напрыклад, пшанічныя хлябцы) складанымі (рысавыя, грачаныя хлябцы). Для таго, каб «разагнаць» метабалізм, можна дадаваць у кашы клятчатку. Яна прадаецца ў крамах.
  • Ешце часта, але дробавымі порцыямі. Рэжым галадоўкі і прыёмаў ежы раз у дзень прыводзіць арганізм у стан стрэсу. Эфект можа быць зваротным. Не ведаючы, калі ў наступны раз атрымаецца падсілкавацца, цела адкладае тлушчавыя запасы на выпадак чарговага голаду.
  • Ешце гародніну зялёнага колеру. Зялёны перац, брокалі, спаржавую фасолю.
 
Дзяніс Клімовіч
Інструктар па фітнэсу і бодзібілдынгу клуба Bunker Gym
Адзін снікерс змяшчае столькі калорый, як 3 літры грэчкі ў сухім выглядзе. Калі яе зварыць, ежы хопіць на 2 тыдні. А калі праца сядзячая? Такую колькасць калорый арганізм не здольны расходаваць. Таму і адкладае тлушчавыя запасы. Цэлюліт паступова з'яўляўся на працягу месяцаў і гадоў. Таму і пазбаўленне ад яго патрабуе карпатлівай працы. Перад тым, як з'есці чарговую булачку, падумайце, для чаго вы працуеце. Але і пазбаўляцца ад кілаграмаў экстрана нельга. У стане стрэсу можа здарыцца гарманальны збой, у дзяўчат можа знікнуць менструацыя. Таму паступовасць вельмі важная. Мае кліенты аптымальна скідаюць 3-5 кг за месяц. І гэты вынік вельмі прыкметны візуальна адразу.
да зместу

Рухальная актыўнасць

Рух – другі важны складнік, без якога немагчыма пазбавіцца ад цэлюліту. Не абавязкова займацца ў трэнажорнай зале. Кожны можа выбраць сабе занятак па душы. Галоўнае – рэгулярнасць і пасільная нагрузка на мышцы.

Простыя прагулкі будуць малаэфектыўнымі. Добра падыходзяць скандынаўская хада, бег (пажадана раніцай нашча ці перад сном), катанне на ровары, плаванне, гімнастыка, фітнэс ды інш.

Нават невялікі комплекс практыкаванняў у хатніх умовах дапаможа трымаць цела ў тонусе.

да зместу

Эфектыўныя практыкаванні, якія дапамогуць прыбраць цэлюліт

У дадзенай падборцы асаблівая ўвага нададзена практыкаванням, якія дапамагаюць змагацца з цэлюлітам на нагах (сцёгнах) і ягадзіцах.

Верхні прэс. Выконваецца лежачы на падлозе. Ногі сагнутыя, рукі за галаву. Корпус падымаем да каленяў, але не да канца. Цалкам тулава не падымаем. Затым кладзёмся на падлогу, лапаткі не дакранаюцца да падлогі. Выконваецца 20 разоў, затым адпачынак, і яшчэ 2 падыходы па 20 разоў.

Прысяданні. Ногі ледзь шырэй плячэй. Наскі ў розныя бакі. Спіна роўная. Калені глядзяць туды, куды насок красоўкі (ні ў якім разе не ў цэнтр). Пры прысяданні ягадзіцы апускаюцца ніжэй каленяў (інакш не будуць працаваць ягадзічныя мышцы). Прыселі – усталі – сціснулі ягадзічныя мышцы. Калі вы ўжо не пачатковец, можна ўзяць штосьці ў рукі для абцяжарвання. Напрыклад, бутэлькі з вадой. Выконваць 30 разоў па 3 падыходы.

Выпады. Становішча стоячы. Адна нага ідзе наперад, робіць крок. Прысядаць перпендыкулярна падлозе, каб каленка не сыходзіла наперад. Затым адштурхнуцца пяткай пярэдняй нагі, каб вярнуцца ў зыходнае становішча. Паўтараць 20 разоў на кожную нагу (па 3 падыходы).

Адцісканні на каленях. Рукі на шырыні плячэй, локці развесці ў розныя бакі. Тры падыходы па 10 разоў.

Планка. Насочкі разам, стойка на локцях. Цела роўнае, як струнка. Не прагінацца. Не падымаць таз. Тры падыходы па 30-45 секунд.

 
Дзяніс Клімовіч
Інструктар па фітнэсу і бодзібілдынгу клуба Bunker Gym
Паколькі цэлюліт паражае не толькі сцёгны і ягадзіцы, а бывае таксама і на руках, спіне, жываце, увагу трэба надаваць не толькі нагам, але і раўнамерна трэніраваць усё цела, сачыць за тым, каб нагрузка была пасільнай.
да зместу

Паўнавартасны сон

Сон менш за 7 гадзін у суткі спрыяе ўзнікненню і развіццю цэлюліту. Арганізм працуе з перагрузкай.

Уменне расслабіцца

Вядома, у сучасным свеце ад хваляванняў не схаваешся, але працяглы стрэс

полноценный сон

таксама спрыяе таму, што наша скура не выглядае ідэальнай. Старайцеся знаходзіць час для рэлаксацыі.

Пра тое, якія сучасныя касметалагічныя сродкі барацьбы з цэлюлітам існуюць і ці эфектыўныя крэмы ды скрабы, чытайце ў нашым наступным матэрыяле.

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

728 0 552

Журналіст. Член Беларускага саюза журналістаў. Лаўрэат прэміі Беларускага саюза журналістаў.
Глядзіце таксама