5 Красавіка
05.04.2019

Анлайн-канферэнцыя «Алергія: прычыны, дыягностыка і лячэнне» пройдзе 11 красавіка на інфармацыйных парталах «Здаровыя людзі» (24health.by) і tut.by

logo
Навiны
82 0128
Памер шрыфта:
  • A
  • A
  • A

Штодня чалавек сутыкаецца з сотняй тысяч розных алергенаў, але не ў кожнага развіваецца алергія. Што ж з'яўляецца прычынай запуску ланцуга паталагічных рэакцый? Як пазбегнуць небяспечных наступстваў? Ці можна назаўжды пазбавіцца ад алергіі? Або вылечыць яе немагчыма? Ці перадаецца захворванне ў спадчыну? Ці абавязкова трэба здаваць спецыфічныя алергатэсты? Ці можа часты і працяглы прыём антыгістамінных лекавых сродкаў негатыўна адбіцца на стане здароўя?

На гэтыя ды іншыя пытанні ў рэжыме рэальнага часу адкажуць нашы эксперты – вядучыя спецыялісты ў галіне алергалогіі:

  • дацэнт кафедры геранталогіі і герыятрыі з курсам алергалогіі і прафпаталогіі БелМАПА, галоўны пазаштатны алерголаг Міністэрства аховы здароўя, к.м.н. Таццяна Бараноўская;
  • загадчык алергалагічнага аддзялення 4-й дзіцячай клінічнай бальніцы г.Мінска, галоўны пазаштатны дзіцячы алерголаг, к.м.н. Дзмітрый Буза.

Папярэдне пытанні можна дасылаць на электронную пошту info@24health.by.

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

82 0 128

Нарадзілася і жыву ў Мінску. У 1995 годзе скончыла сталічную сярэднюю школу №168, затым паступіла ў Беларускі дзяржаўны ўніверсітэт на факультэт журналістыкі. Пасля заканчэння вучобы ў 2000 годзе была размеркаваная ў Беларускае тэлеграфнае агенцтва (БелТА), дзе 8 гадоў прапрацавала спецыяльным карэспандэнтам аддзела палітычнай і сацыяльнай інфармацыі. У розныя гады асвятляла падзеі ў сферы навукі, культуры, адукацыі і аховы здароўя. У 2011 годзе перайшла ў прэс-службу Міністэрства аховы здароўя. Кола маіх абавязкаў уключала, у тым ліку арганізацыю сустрэчаў спецыялістаў са СМІ, складанне прэс-рэлізаў, забеспячэнне журналістаў інфармацыяй пра дзейнасць сферы аховы здароўя, а таксама падрыхтоўку аператыўных каментароў экспертаў і фарміраванне стужкі навінаў афіцыйнага сайта міністэрства. З 2017 года працую ўласным карэспандэнтам аддзела інтэрнэт-праектаў рэдакцыі газеты «Медыцынскі веснік». З'яўляюся аўтарам публікацый на інфармацыйным партале «Здаровыя людзі» і сайце для падлеткаў «Teenage.by».