25.04.2020
25.04.2020

Паберагчы сябе і блізкіх. Міністэрства аховы здароўя просіць беларусаў заставацца дома падчас доўгіх выхадных

logo
Здароўе дарослых
308 018
Памер шрыфта:
  • A
  • A
  • A

Прадстаўнікі Міністэрства аховы здароўя Беларусі 22 красавіка падчас традыцыйнага стрыму звярнуліся да беларусаў з просьбай заставацца дома на доўгія выхадныя і Радаўніцу. Сацыяльнае дыстанцыяванне па-ранейшаму застаецца сярод першачарговых мераў па эфектыўнай прафілактыцы COVID-19. Урачы нагадваюць: каб прадухіліць інфіцыраванне, варта скараціць кантакты і не наведваць месцы збору людзей.

Каранавірус. Заставацца дома.

Па словах намесніка начальніка аддзела гігіены, эпідэміялогіі і прафілактыкі Міністэрства аховы здароўя Іны Карабан, чалавек можа нават не ведаць, што ўжо хворы на COVID-19, і быць заразным. Разам з тым, многія плануюць на вялікія выхадныя з'ехаць да бацькоў ці блізкіх сваякоў, часам і ў іншыя рэгіёны.

 
Іна Карабан
Намеснік начальніка аддзела гігіены, эпідэміялогіі і прафілактыкі Міністэрства аховы здароўя
Не трэба ў гэтыя выхадныя ездзіць да бацькоў, наведваць іншыя рэгіёны або месцы масавага збору людзей і могілкі. На сёння гэта наша самая вялікая просьба, каб у далейшым, праз тыдзень-другі, не атрымаць росту захворвання.

Падобныя паводзіны – неабгрунтаваная рызыка. Напрыклад, раней падчас прэс-канферэнцыі міністр аховы здароўя Уладзімір Каранік адзначаў, што былі выпадкі, калі кампанія сяброў і родных з розных рэгіёнаў з'ездзіла на пікнік, і выпадкі заражэння COVID-19 затым былі выяўленыя ў некалькіх гарадах. Праводзіць святы і выхадныя пажадана ў тым коле стасункаў, у якім звычайна знаходзіцеся.

Каранавірус. Застацца дома.

Сваё меркаванне з гэтай нагоды інфармацыйнаму парталу Здаровыя людзі агучылі і нашы эксперты.

Падчас пандэміі каранавіруса ва ўсім свеце для папярэджання інфіцыравання прымаюцца меры сацыяльнай ізаляцыі і дыстанцыявання. У гэты перыяд пажадана па максімуму абмежаваць свае кантакты, упэўненая галоўны пазаштатны герантолаг Міністэрства аховы здароўя, кіраўнік Рэспубліканскага геранталагічнага цэнтра (актыўнага даўгалецця) Людміла Жылевіч.

Чаму гэта асабліва важна для сталых людзей? З гадамі імунная сістэма чалавека зношваецца, а значыць, не заўсёды можа даць адэкватны адказ на інфекцыю. Спецыфіка COVID-19 у тым, што ён пашкоджвае ўсе слабыя месцы арганізма. Гэта могуць быць і сэрца, і лёгкія, і ныркі, і печань, адзначыла эксперт.

 
Людміла Жылевіч
Галоўны пазаштатны герантолаг Міністэрства аховы здароўя, кіраўнік Рэспубліканскага геранталагічнага цэнтра (актыўнага даўгалецця)
Нашы традыцыі ў асноўныя рэлігійныя святы – наведванне блізкіх. Але ў дадзеным выпадку мы падвергнем вялізнай рызыцы сваіх дарагіх людзей! І сёння маем шмат таму прыкладаў, калі ў вёскі былі адпраўленыя ўнукі, ці людзі актыўна наведвалі сталых дома і ў дамах-інтэрнатах. Вынікам стаў цяжкі стан блізкіх. Не заўсёды ўрачы могуць справіцца з узроставым пацыентам, ды і яго арганізм не здольны змагацца з інфекцыяй. Сёння ёсць выдатныя сродкі камунікацыі, такія, як тэлефон і іншыя тэхналогіі. Клопат пра стан блізкіх – гэта ў першую чаргу забяспечыць іх бяспеку і зберагчы ад інфекцыі. Ваш клопат павінен быць штодзённым, а не разавым у перыяд святаў. У сталым узросце людзі маюць, як правіла, не адно, а камбінацыю такіх захворванняў, як хваробы сістэмы кровазвароту, парушэнні функцыі лёгкіх і іншыя. Дык ці варта рызыкаваць?!

Каранавірус. Застацца дома на выхадных.

Не толькі ўрачы, але і прадстаўнікі царквы кажуць пра неабходнасць выключыць наведванне масавых мерапрыемстваў, царкоўных набажэнстваў. У гэты перыяд важна захоўваць разважлівасць, – падкрэсліла Людміла Жылевіч.

Згодная з меркаваннем папярэдняга эксперта і прафесар кафедры эндакрыналогіі Беларускага дзяржаўнага медыцынскага ўніверсітэта, старшыня БГМА «Эндакрыналогія і метабалізм» Ала Шапялькевіч.

Ала Шапялькевіч
Прафесар кафедры эндакрыналогіі Беларускага дзяржаўнага медыцынскага ўніверсітэта, старшыня БГМА «Эндакрыналогія і метабалізм»
Сёння клопат пра сваіх блізкіх, асабліва тых, хто найбольш схільны да неспрыяльных наступстваў каранавіруснай інфекцыі, – гэта абмежаваць кантакты, не збірацца вялікім колам, не хадзіць у госці. Гэта зусім не значыць, што трэба спыніць усе стасункі. Сёння для гэтага ёсць столькі магчымасцяў!

Каранавірус. Не ствараць пагрозу для сталых сваякоў.

Ала Шапялькевіч нагадала, што пацыенты з эндакрыннымі захворваннямі, у тым ліку на цукровы дыябет, пры якіх неабходны рэгулярны прыём лекавых сродкаў, павінны працягваць маніторынг адпаведных паказчыкаў. У гэты перыяд нават ва ўмовах самаізаляцыі важна таксама не забывацца пра базісныя прынцыпы лячэння хранічных неінфекцыйных захворванняў (фізічную актыўнасць, рэжым сну і харчавання).

Ала Шапялькевіч
Прафесар кафедры эндакрыналогіі Беларускага дзяржаўнага медыцынскага ўніверсітэта, старшыня БГМА «Эндакрыналогія і метабалізм»
Навуковыя назіранні апошніх месяцаў пераканаўча сведчаць пра тое, што пацыенты з цукровым дыябетам знаходзяцца ў групе рызыкі больш цяжкага цячэння COVID-19 і выяўленых яго ўскладненняў. Таму магчымасць сацыяльнай ізаляцыі важна разглядаць з пункту гледжання найбольш эфектыўнага метаду прафілактыкі інфіцыравання.

Пра тое, што не варта ў гэтыя дні наведваць могілкі і месцы масавага збору людзей, кажа і намеснік галоўнага ўрача па арганізацыйна-метадычнай рабоце 3-й цэнтральнай раённай клінічнай паліклінікі Кастрычніцкага раёна г.Мінска Ларыса Дзянісава.

 
Ларыса Дзянісава
Намеснік галоўнага ўрача па арганізацыйна-метадычнай рабоце 3-й цэнтральнай раённай клінічнай паліклінікі Кастрычніцкага раёна г.Мінска
Наперадзе доўгія выхадныя і дзень, які мы ўсе прывыклі адзначаць, прыгадваць нашых родных і блізкіх, каго няма з намі, – Радаўніца. Улічваючы эпідэміялагічную абстаноўку, якая склалася, адкладзіце па магчымасці наведванне могілак і іншых месцаў масавага збору людзей. Гэта значна знізіць верагоднасць заражэння. У грамадскіх месцах мы павінны захоўваць адлегласць 1-1,5 метра ад іншых. На могілках, калі людзі прыходзяць масава, захоўваць гэтыя ўмовы вельмі складана, а значыць, можа адбыцца інфіцыраванне вялікай колькасці людзей. Я звяртаюся да вас з просьбай паберагчы сябе, паберагчы сваіх родных і блізкіх. І ў гэтыя вялікія выхадныя заставацца дома. Калі вам неабходная медыцынская дапамога, у кожнай установе аховы здароўя цяпер працуюць кантактныя цэнтры, куды можна патэлефанаваць і вырашыць свае пытанні. Тым самым вы захаваеце сваё здароўе, здароўе родных і блізкіх. Гэта таксама дапаможа знізіць нагрузку на сістэму аховы здароўя ў цэлым. Бо яна цяпер працуе з вельмі вялікім напружаннем.

Каранавірус. Выхадныя. Застацца дома.

Спецыялісты яшчэ раз нагадваюць, што ў групе рызыкі неспрыяльных наступстваў COVID-19 тыя, у каго ў анамнэзе сардэчна-сасудзістыя захворванні, анкалагічныя хваробы, паталогіі нырак і печані, лёгкіх, цукровы дыябет, а таксама людзі сталага і старэчага ўзростаў.

Падпісвайцеся на наш канал у Telegram, групы ў Facebook, «УКантакце», у «Аднакласніках» – і будзьце ў курсе свежых навінаў! Толькі цікавыя відэа на нашым канале YouTube, далучайцеся!

Матэрыялы на сайце bel.24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце bel.24health.by

308 0 18

Нарадзілася і жыву ў Мінску. У 1995 годзе скончыла сталічную сярэднюю школу №168, затым паступіла ў Беларускі дзяржаўны ўніверсітэт на факультэт журналістыкі. Пасля заканчэння вучобы ў 2000 годзе была размеркаваная ў Беларускае тэлеграфнае агенцтва (БелТА), дзе 8 гадоў прапрацавала спецыяльным карэспандэнтам аддзела палітычнай і сацыяльнай інфармацыі. У розныя гады асвятляла падзеі ў сферы навукі, культуры, адукацыі і аховы здароўя. У 2011 годзе перайшла ў прэс-службу Міністэрства аховы здароўя. Кола маіх абавязкаў уключала, у тым ліку арганізацыю сустрэчаў спецыялістаў са СМІ, складанне прэс-рэлізаў, забеспячэнне журналістаў інфармацыяй пра дзейнасць сферы аховы здароўя, а таксама падрыхтоўку аператыўных каментароў экспертаў і фарміраванне стужкі навінаў афіцыйнага сайта міністэрства. З 2017 года працую ўласным карэспандэнтам аддзела інтэрнэт-праектаў рэдакцыі газеты «Медыцынскі веснік». З'яўляюся аўтарам публікацый на інфармацыйным партале «Здаровыя людзі» і сайце для падлеткаў «Teenage.by».