Ядомасць розных відаў грыбоў заўсёды выклікала шматлікія спрэчкі і дыскусіі.
З красавіка па май атручванні грыбамі часцей за ўсё звязаны з ужываннем у ежу смаржкоў і страчкоў. У склад гэтых грыбоў уваходзіць гельвелавая кіслата, якая і выклікае найцяжэйшыя атручванні. У страчках утрымліваецца моцная атрута гірамітрын, які не інгібіруецца пры тэрмічнай апрацоўцы.
Небяспечныя грыбы: атручванне грыбамі
Страчок
Грыб страчок з'яўляецца ранняй вясной адразу ж пасля растання снегу. Расце ў хваёвых і змешаных лясах, на старых пажарышчах. Асноўную масу грыба складае капялюшык круглявай, маршчыністай і няправільнай формы, з разорамі і звілінамі, якія нагадваюць мазгавое рэчыва. У маладога грыба капялюшык мае каштанава-карычневы колер, затым становіцца больш светлым.
Атручэнне ў людзей выклікае таксін гірамітрын. Калі таксін патрапіў у арганізм чалавека, і медыцынская дапамога не была аказана, узнікаюць прыкметы гастраэнтэрыту, пячоначна-нырачна недастатковасці.
Клінічныя праявы: інкубацыйны перыяд ад 3 да 25 гадзін, пачынаецца ўсё з агульнага недамагання, слабасці, галаўнога болю, назіраюцца болі ў страўніку, млоснасць, ваніты з прымешкай жоўці, часты вадкі стул, можа далучыцца боль у паяснічнай вобласці.
Смаржок
Другі небяспечны вясновы грыб – гэта смаржок. Ён адносіцца да ўмоўна ядомых грыбоў. З'яўляецца таксама ранняй вясной у розных тыпах лясоў, на лясных высечках. Капялюшык грыба складае дзве траціны даўжыні ножкі, можа мець круглявую форму, складаецца з ячэістых паглыбленняў, якія нагадваюць няроўныя пчаліныя соты. Афарбоўка - ад светла-карычневай да карычневай.
Спосабам абясшкоджвання смаржкоў з'яўляецца сушка або кіпячэнне. Сушаць іх на адкрытым паветры на працягу 2 месяцаў. Кіпячэнне ажыццяўляецца ў вадзе 2 разы па 15-20 хвілін. Атрыманы адвар пры гэтым зліваюць, не ўжываючы ў ежу, так як у ім утрымліваецца шмат атрутных рэчываў. Пасля гэтага грыбы промываюць і адціскаюць, а затым выкарыстоўваюць для прыгатавання розных страў.
Прафілактыка атручванняў грыбамі зводзіцца да агульнай і спецыфічнай.
Агульная прафілактыка ўключае ў сябе наступныя прынцыпы.
- Збіраць неабходна тыя грыбы, якія вам добра вядомыя.
- Не трэба збіраць грыбы паблізу аўтамагістраляў, прамысловых прадпрыемстваў і інш.
- Пры зборы грыбоў неабходна звяртаць увагу на форму грыба, знешнія прыкметы, што дапаможа распазнаць атрутны грыб.
- Нельга купляць з рук грыбную ікру, салаты, саленні з фрагментаў грыбоў, кансервы, закрытыя вечкамі ў хатніх умовах.
Спецыфічная прафілактыка – пры з'яўленні першых прыкмет атручвання грыбамі неадкладна выклікайце хуткую медыцынскую дапамогу, адначасова з гэтым неабходна правесці прамыванне страўніка, прыняць актываваны вугаль або іншы энтэрасарбент, выпіць вялікую колькасць вадкасці.
І памятайце, што ўжыванне незнаёмых грыбоў можа мець для вашага арганізма непрыемныя наступствы.
https://bel.24health.by/shto-shukac-u-lese-15-vidau-grybou-yakiya-mozhna-esci-lyudzyam/
