1 кастрычніка ў 19.00 у межах XII Міжнароднага фестывалю Юрыя Башмета ў Нацыянальным мастацкім музеі ўпершыню пройдзе арт-праект «4 вымярэнні сучаснага мастацтва Беларусі». Гэта інтэрактыўная праграма з удзелам лепшых беларускіх кампазітараў, паэтаў, салістаў балета, акцёраў.
У выкананні вядучых майстроў сцэны сталічных тэатраў і тэлевядучых прагучаць вершы галоўнага рэдактара газеты «Медыцынскі веснік», шэф рэдактара беларускай версіі партала 24health.by, паэткі Таццяны Сівец, а таксама іншых вядомых творцаў: Ірыны Морых, Зінаіды Дудзюк, Валянціны Паліканінай, Юліі Алейчанка, Маргарыты Латышкевіч, Рагнеда Малахоўскага.
Фестываль упершыню сумяшчае музыку, жывапіс, паэзію і танец. Глядач стане часткай дзейства і атрымае эмоцыі 5D. Музыка Валерыя Воранава, Галіны Гарэлавай, Вольгі Падгайскай, Андрэя Цалко, Канстанціна Яськова адначасова загучыць з розных залаў і створыць такім чынам адзіны вобраз, адзіны твор мастацтва, што праламляецца з розных бакоў паступова, як глядач рухаецца ўнутры музыкі.
Мастацкі кіраўнік праекта – Расціслаў Крымер.
Аўтары ідэі – Расціслаў Крымер і Валерый Воранаў.
Рэжысёр – Іван Давыдзенка.
Акцёры: заслужаная артыстка Рэспублікі Беларусь Зоя Белахвосцік, Аляксандр Аўчыннікаў, Андрэй Бібікаў, Святлана Бароўская, Валянціна Гарцуева, Алена Дуброўская, Андрэй Новік, Вера Палякова.
Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by
