28.09.2017
28.09.2017

Праблемы старэння і паляпшэння якасці жыцця людзей старэйшага пакалення абмяркуюць у Мінску

logo
Навiны
4 010
Памер шрыфта:
  • A
  • A
  • A

Сёння ў Falcon Club у 14.00 пачнецца канферэнцыя «Грамадства для людзей усіх узростаў». Там абмяркуюць праблемы старэння і паляпшэння якасці жыцця людзей старэйшага пакалення.

У рамках мерапрыемства арганізуюць майстар-клас «Як правільна (не) старэць па-беларуску». Асноўная задача канферэнцыі – вызначыць самыя эфектыўныя спосабы прыцягнення ў працоўнае і грамадскае жыццё сталых людзей, а таксама зразумець, як стварыць грамадства, сяброўскае для ўсіх узростаў.

Адзін з напрамкаў сацыяльнай палітыкі – падтрымка людзей старэйшага пакалення. Сярод яе мэтаў – пляпшэнне сацыяльнай абароненасці, павелічэнне працягласці і якасці жыцця, выкарыстанне ведаў і вопыту ўзроставых грамадзян.

Зараз некамерцыйныя грамадскія аб'яднанні імкнуцца актыўна ўзаемадзейнічаць са старэйшым пакаленнем.

У мерапрыемстве ўдзельнічаюць парламентарыі, прадстаўнікі Міністэрства аховы здароўя, Міністэрства працы і сацыяльнай абароны, Камітэта па працы, занятасці і сацабароне Мінгарвыканкама, прадстаўнікі фонду «Узаемаразуменне», Нямецкай асацыяцыі народных універсітэтаў «Адукацыя праз усё жыццё», грамадскай дабрачыннай яўрэйскай арганізацыі Хэсэд-Рахамім, універсітэтаў трэцяга ўзросту Гродна, Віцебска, Мінска.

Запрасілі і людзей 70+, якія вядуць актыўны лад жыцця. Яны раскажуць, што рабіць, каб стаць доўгажыхарамі.

Будуць працаваць выставы «Сямейная гісторыя», «Твар вёскi», «Рука», «Творчасць сталых».

А 29 верасня пройдзе круглы стол «Рэсурсны патэнцыял старэйшага пакалення». Мерапрыемствы прымеркаваныя да Міжнароднага дня сталых людзей. Іх арганізуе Беларускае рэспубліканскае геранталагічнае таварыства пры падтрымцы НАН Беларусі, Беларускага таварыства Чырвонага крыжа.

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

4 0 10