14 Лістапада
14.11.2017

"Кефірная нірвана". Пяць выбітных характарыстык звычайнага кефіру

logo
Выбірай прадукты
82 1 200
Памер шрыфта:
  • A
  • A
  • A

Вы ведаеце, што такое «кефірная нірвана»? А як палепшыць стан скуры самымі простымі і даступнымі сродкамі? Усяго адзін знаёмы з дзяцінства прадукт — кефір — можа дапамагчы ў вырашэнні мінімум 5 асноўных праблем, з якімі даводзіцца сутыкацца кожны дзень, спяшаючыся на вучобу або пачынаючы працоўны дзень.

Чаму кефір такі карысны?

Здымае стрэс

Гэты напой здымае напружанне і мышачнай, і нервовай сістэм. Ён здольны зняць стрэс пасля цяжкага дня. Кефір супакойвае нервы і прыводзіць цела ў стан так званай «кефірнай нірваны». Менавіта таму яго рэкамендуюць ужываць у «крытычныя дні» або проста пасля моцнага разумовага або фізічнага перанапружання. А вось калі выпіць шклянку кефіру раніцай за паўгадзіны да ежы, то вам гарантаваны апетыт і бадзёрасць.

Паляпшае знешні выгляд, дае энергію

У кефіры ёсць мікраэлементы (ёд, медзь, фтор), вітаміны групы А, В, С, РР, Н і бэта-каратын, ён насычаны тлушчамі, вугляводамі і арганічнымі кіслотамі. Усе гэтыя кампаненты дапамагаюць адчуць прыліў сіл і пры гэтым паляпшаюць стан скуры, умацоўваюць зубы і косці.

Кальцыю ў кефіры больш, чым у малацэ.

І нават тое, што вы паспелі з'есці за дзень, гэты напой дапаможа лепш ператравіць і засвоіць, бо паляпшае абменныя працэсы.

Вядома, што прыхільнікі гэтага кісламалочнага прадукту выглядаюць больш свежымі і маюць менш праблем з памяццю.

На аснове кефіру ў хатніх умовах робяць розныя віды масак для валасоў: для аб'ёму, гушчыні, абястлушчвання, аднаўлення, бляску. Танна і добра — гэта пра крэмы, скрабы, маскі на аснове кефіру. Яны выдатна чысцяць і дбаюць пра скуру. І ўсё гэта ў хатніх умовах, без паходаў у дарагія касметалагічныя цэнтры.

Дапамагае трымаць цела ў форме або схуднець

Звычайна рэкамендуюць выпіваць шклянку кефіру пасля 18.00 вечара замест шчодрай вячэры. На яго аснове распрацавана мноства дыет і разгрузачных дзён. Самыя вядомыя — проста кефірная, яблычна-кеірная, кефір у спалучэнні з карыцай. Такая смаката пазбавіць арганізм ад шлакаў і таксінаў, пачысціць кішэчнік, печань, ныркі.

Танны і здаровы перакус

Свойства

Кефір даволі пажыўны. Яго можна купіць у любой краме. Гэта хуткі, просты і танны спосаб наталіць страўнік, калі няма часу на гатаванне. А калі аднойчы крыху напружыцца і зрабіць кефір самастойна, атрымаеце літры карыснага прадукту за капейкі. Зрабіць кефір самому можна з малака і спецыяльнай кефірнай закваскі, якая знойдзецца і ў звычайнай краме, і ў інтэрнэце.

Акрамя таго, з кефіру можна прыгатаваць мноства смачных і лёгкіх страў. На кефірнай аснове робяць тварог, кактэйлі, супы, кексы, блінцы. Рэцэпт апошніх просты: узбіваем яйкі, цукар, соль, дадаём муку, кефір, кіпячоную ваду, трошкі соды і крыху расліннага алею — вуаля! — цеста гатовае. Шыкоўны сняданак або пачастунак.

Супраць запораў ды млосці

Наш супернасычаны лад жыцця і харчаванне ўсухамятку бясследна не мінаюць. Болі ў жываце і хранічны гастрыт становяцца сталымі спадарожнікамі. Кефір нармалізуе працу страўнікава-кішачнага тракту, аднаўляе яго флору. Калі выпіваць шклянку кісламалочнага напою штодзень, можна забыцца пра запоры, уздуцце жывата, млосці ды метэарызм. Акрамя таго, палепшыцца імунітэт.

Кефір не панацэя. Ён не можа выратаваць ад працоўнай стомы або паменшыць вучэбную нагрузку. Але пры пастаянным ужыванні эфект будзе відавочны: вы адчуеце сябе лепш, а значыць, і выглядаць будзеце яшчэ больш прывабна.

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

82 1 200

Журналіст. Член Беларускага саюза журналістаў. Лаўрэат прэміі Беларускага саюза журналістаў.