02.09.2021
02.09.2021

Дзіцячы скаліёз. Прычыны, лячэнне, прафілактыка

logo
Хваробы ад А да Я
0 020
Памер шрыфта:
  • A
  • A
  • A

Скаліёз, або скаліятычная хвароба, – распаўсюджанае сярод дзяцей захворванне апорна-рухальнага апарата, якое характарызуецца яго скрыўленнем.

Скаліёз. Чаму да яго схільныя дзеці.

Чаму дзеці схільныя да скаліёзу

У малодшым школьным узросце (5-11 гадоў) касцявая сістэма вельмі няўстойлівая, у ёй шмат мяккай храстковай тканкі. У гэтым узросце дзеці больш ўзбудлівыя і рухомыя. З-за слабасці, няскончанасці развіцця касцявой сістэмы пры празмернай і нерацыянальнай нагрузцы (напрыклад, доўгае сядзенне за партай, за камп'ютарам ці ля тэлевізара ў нязручнай позе), а таксама пры маларухомым ладзе жыцця часта развіваецца бакавое скрыўленне пазваночніка.

Школьны ўзрост у перыяд ад 12 да 15 гадоў характарызуецца значнымі зменамі ў арганізме.

У гэты час адбываецца бурны выкід гармонаў (у тым ліку гармону росту), што прыводзіць да росту цела ў даўжыню з завяршэннем акасцянення пазванкоў.

Па сутнасці, скаліёз – гэта хвароба арганізма, які расце. Да 14-15 гадоў пазваночнік падлетка з'яўляецца найбольш няўстойлівым, ранімым, лёгка падвяргаецца скрыўленню, асабліва пры нерацыянальнай нагрузцы, няправільным становішчы цела (хаджэнне на абцасах, сон на занадта мяккім альбо вельмі жорсткім ложку, уздым цяжару за кошт спіны і г.д.) альбо траўме.

Скаліёз. Высокія абцасы ў падлеткавым узросце – прычына скаліёзу.

Пасля 16-18 гадоў пазваночнік робіцца больш устойлівым. У гэты перыяд першасныя скаліёзы практычна не ўзнікаюць. Аднак тыя, што ўзніклі раней, выпраўленню, на жаль, ужо не паддаюцца.

Як лячыць скаліёз

Лячэнне скаліёзу трэба пачынаць адразу пасля ўстанаўлення дыягназу, праводзіць яго сістэматычна і доўга, да заканчэння росту дзіцяці (прыкладна да 16-18 гадоў).

Лячэбная фізкультура з'яўляецца галоўным складнікам кансерватыўнага лячэння. Дзіця павінна быць навучанае методыцы лячэбнай гімнастыкі пад наглядам метадыста альбо інструктара ва ўмовах лячэбна-прафілактычнай установы. Затым фізічныя практыкаванні яно павінна выконваць штодня ў хатніх умовах пад наглядам бацькоў.

Скаліёз у дзяцей. Лячэбная гімнастыка.

Лячэбная фізкультура стымулюе ўласныя кампенсатарныя магчымасці арганізма і дазваляе стварыць добры мышачны гарсэт. У асноўным трэба займацца ў становішчы лежачы, тым самым выключаючы нагрузку на вось пазваночніка. Практыкаванні накіраваныя на фарміраванне правільнай паставы, каардынацыю рухаў.

У якасці дадатковых метадаў рэабілітацыі прымяняюць масаж і лячэбнае плаванне. Лячэбнае плаванне забяспечвае натуральную разгрузку пазваночніка, кардыё-рэспіраторнай сістэмаў, умацоўвае мышцы, стварае станоўчы эмацыянальны фон.

Найбольш эфектыўным у плаванні лічыцца стыль брасам на грудзях з падоўжанай паўзай слізгацення. У гэты час пазваночнік максімальна выцягваецца, а мышцы тулава статычна напружаныя. Разгрузка пазваночніка ажыццяўляецца пры плаванні на спіне.

Станоўчая дынаміка назіраецца пры занятках 3 разы на тыдзень. Паказаны сіметрычныя стылі плавання: элементы брасу, кролю.

Дзіцячы скаліёз. Карыснае плаванне брасам.

Не менш важная прафілактыка скаліятычнай хваробы. У раннія перыяды жыцця дзіцяці трэба прытрымлівацца правільнага харчавання, займацца прафілактыкай рахіту і г.д. У дашкольным узросце патрэбны рацыянальны рухальны рэжым, вялікае значэнне мае правільна падабраная мэбля.

Найбольшую ўвагу надавайце школьнікам у перыяд паскоранага росту (7-9 і 12 -14 гадоў).

Крэсла для дзіцяці абранае правільна, калі глыбіня сядзення роўная даўжыні сцягна, вышыня – даўжыні галёнкі, пры пасадцы вуглы ў тазасцегнавым, каленным, галёнкаступнёвым суставах – па 90 градусаў. Спіна дзіцяці павінна прылягаць да спінкі крэсла, роўнай даўжыні пазваночніка, адлегласць ад жывата да стала – адпавядаць шырыні далоні.

Крэсла, на якім ён сядзіць, павінна быць цвёрдым. Можна падставіць пад ногі невялікі ўслончык. Варта часцей мяняць становішча ног пад сталом. Так памяншаецца нагрузка на пазваночнік.

Харчаванне як прафілактыка скаліёзу

Скаліёз. Харчаванне як прафілактыка.

Неабходны паўнавартасны, збалансаваны рацыён, які ўключае мяса, рыбу, малочныя прадукты і мікраэлементы, неабходныя для нармальнага фарміравання касцявой сістэмы: кальцый, магній, фосфар.

Кантралюйце сябе і дзіця: як сядзіце, ходзіце, працуеце. Сачыце за тым, каб пастава была правільнай.

Поспех рэабілітацыі залежыць ад найбольш ранняга выяўлення прыкметаў скаліёзу, ступені яго прагрэсавання, узросту, у якім знойдзены скаліёз, выгляду і лакалізацыі скаліёзу, велічыні вугла скрыўлення, тыпу целаскладу.

Дзіцячы скаліёз. Ад чаго залежыць вылячэнне.

Бацькам варта памятаць, што прафілактыка скаліёзу – найбольш эфектыўны і даступны метад, каб  пазбегнуць гэтай хваробы.

Матэрыялы на сайце bel.24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце bel.24health.by

0 0 20

Інструктар-метадыст фізічнай рэабілітацыі аддзялення медыцынскай рэабілітацыі Брэсцкай гарадской дзіцячай паліклінікі №2