27.07.2019
27.07.2019

Ты ў ЗЛЖ, значыць, ты ў трэндзе!

logo
Навiны
118 031
Памер шрыфта:
  • A
  • A
  • A
Беларусь без перабольшання можна назваць адным з флагманаў сярод краін Усходняй Еўропы па прасоўванні прынцыпаў здаровага ладу жыцця (ЗЛЖ) ва ўсіх узроставых групах насельніцтва. Гэта магчыма дзякуючы таму, што паляпшэнне якасці жыцця і здароўя насельніцтва застаецца адным з асноўных накірункаў нацыянальнай палітыкі на працягу многіх гадоў.

Зараз у краіне рэалізуецца Інфармацыйная стратэгія здаровага ладу жыцця, а таксама праект міжнароднай тэхнічнай дапамогі «Прафілактыка неінфекцыйных захворванняў, прасоўванне здаровага ладу жыцця і падтрымка мадэрнізацыі сістэмы аховы здароўя Рэспублікі Беларусь» (БелМЕД) пры ўдзеле шэрагу падраздзяленняў ААН і падтрымцы Міністэрства аховы здароўя Рэспублікі Беларусь.

Пра новыя праекты і перспектывы рэалізацыі маштабных праграм у Нацыянальным прэс-цэнтры журналістам распавялі:

  • Вікторыя Спяранская, галоўны спецыяліст аддзела гігіены, эпідэміялогіі і прафілактыкі Міністэрства аховы здароўя;
  • Габрыэла Івона Акімава, намеснік прадстаўніка Дзіцячага Фонду ААН (ЮНІСЭФ) у Рэспубліцы Беларусь;
  • Вольга Есманчык, галоўны ўрач 39-й гарадской клінічнай паліклінікі;
  • Валерый Ключановіч, загадчык аддзялення сацыяльна-гігіенічнага маніторынгу Рэспубліканскага цэнтра гігіены, эпідэміялогіі і грамадскага здароўя;
  • Аляксей Талай, зорны пасол II Еўрапейскіх гульняў 2019 года, матывацыйны трэнер, майстар спорту, член Параалімпійскай нацыянальнай зборнай па плаванні.

Узаемадзеянне і супольнасць – ключы да поспеху

Як паведаміла Вікторыя Спяранская, у краіне па ініцыятыве і з удзелам Міністэрства аховы здароўя Беларусі праводзіцца цэлы шэраг прафілактычных мерапрыемстваў. Бо дзейнасць міністэрства, падкрэсліла спецыяліст, звязаная не толькі з лячэннем, аказаннем даступнай і якаснай медыцынскай дапамогі кожнаму, але, у першую чаргу, з прафілактыкай розных захворванняў сярод усіх узроставых груп і слаёў насельніцтва.

Так, у краіне рэалізуюцца акцыі:

  • «Школа – тэрыторыя здароўя», накіраваная на фарміраванне прыхільнасці да здаровага ладу жыцця сярод дзяцей школьнага ўзросту.
  • «Мой стыль жыцця сёння – маё здароўе і поспех заўтра» – акцыя, разлічаная на студэнтаў вышэйшых навучальных устаноў краіны. Мерапрыемствы актыўна рэалізуюцца ў 41 беларускай ВНУ.
  • «Здаровыя гарады і пасёлкі». Зараз сярод удзельнікаў праграмы 66 населеных пунктаў Беларусі, дзе пры актыўнай падтрымцы мясцовых уладаў рэалізуюцца мерапрыемствы па прасоўванні прынцыпаў ЗЛЖ.

  • Адна з маштабных акцый для людзей больш старэйшага ўзросту – прафілактычны праект па вымярэнні артэрыяльнага ціску не толькі ва ўстановах аховы здароўя, але і на базе іншых сацыяльных аб’ектаў: гіпермаркетаў, крамаў, на прамысловых прадпрыемствах. За 6 месяцаў гэтага года ва ўсіх рэгіёнах краіны было праведзена прыкладна 6 тысяч акцый па вымярэнні артэрыяльнага ціску, у якіх узялі ўдзел больш за 650 тысяч чалавек.
  • Акцыі па прафілактыцы распаўсюджвання тытунекурэння. Па апошніх дадзеных STEP-даследаванняў, колькасць курцоў зніжаецца. Тым не менш, кажа Вікторыя Спяранская, пытанне застаецца вострым, а значыць, і працы наперадзе яшчэ шмат.
 
Вікторыя Спяранская
Галоўны спецыяліст аддзела гігіены, эпідэміялогіі і прафілактыкі Міністэрства аховы здароўя
Безумоўна, як міністэрства, урачы, мы не можам спадзявацца толькі на свае сілы. Велізарнае значэнне мае дзейнасць нашых партнёраў, грамадскіх арганізацый, журналістаў, кожнага з нас. Толькі ўсе разам, супольна мы зможам у канчатковым выніку дасягнуць мэтаў устойлівага развіцця, якія стаяць перад Беларуссю. І, у прыватнасці мэта №3, правайдэрам якой з'яўляецца Міністэрства аховы здароўя, – дабрабыт і здароўе для ўсіх у любым узросце.
Згодная з каляжанкай і Габрыэла Івона Акімава, намеснік прадстаўніка Дзіцячага Фонду ААН (ЮНІСЭФ) у Рэспубліцы Беларусь.
 
Габрыэла Івона Акімава
Намеснік прадстаўніка Дзіцячага Фонду ААН (ЮНІСЭФ) у Рэспубліцы Беларусь
ЗЛЖ важны ў любым узросце. Лячэнне – гэта, вядома, таксама значны складнік для барацьбы з неінфекцыйнымі захворваннямі, але трэба прызнаць, што гэта складаней і даражэй як для самога чалавека, так і дзяржавы ў цэлым. Таму акцэнт перш за ўсё на прафілактыцы. Гэта рэальная магчымасць атрымаць здаровае грамадства і здаровыя наступныя пакаленні.

Эксперт асабліва акцэнтавала ўвагу на псіхічным складніку агульнага здароўя. Бо стрэс стаў неад’емнай часткай сучаснага жыцця для людзей любога ўзросту. Габрыэла Івона Акімава заклікала клапаціцца пра сваё псіхічнае шчасце і ўнутраную гармонію, паколькі гэта не меней важна, чым сачыць за сваёй вагой, артэрыяльным ціскам ці своечасова адмовіцца ад шкодных звычак.

Пачні з сябе

Асобную ўвагу эксперты надалі будучай маштабнай падзеі – марафону здаровага ладу жыцця «#САД – Спартыўны, Актыўны, Даступны». Усе тры аспекты вельмі важныя. Мерапрыемства стартуе ў жніўні і будзе праводзіцца на базе Рэспубліканскага цэнтра алімпійскай падрыхтоўкі па фрыстайле (Мінск, вул.Сурганава, 4а – з 18 да 21 гадзіны) кожны чацвер месяца.

У рамках мерапрыемства любы жадаючы зможа абсалютна бясплатна выпрабаваць сябе ў розных відах фізічнай актыўнасці, папярэдне прайшоўшы экспрэс-абследаванне і атрымаўшы рэкамендацыі ўрачоў.

 
Вольга Есманчык
Галоўны ўрач 39-й гарадской клінічнай паліклінікі
Для ўдзельнікаў акцыі будуць арганізаваныя кансультацыі памочнікаў урачоў і ўрачоў агульнай практыкі. З выкарыстаннем разумных вагаў спецыялісты вызначаць долю тлушчавай тканкі, шчыльнасць мінеральнай тканкі касцей, а таксама мышачную масу ўдзельнікаў марафону. Таксама з выкарыстаннем разумных танометраў з фітэфектам можна будзе вызначыць парушэнні сардэчнага рытму, прайсці і запоўніць пашпарт здароўя.
Да паслуг жадаючых будзе арганізаванае індывідуальнае матывацыйнае кансультаванне, як пазбегнуць фактараў рызыкі неінфекцыйных захворванняў, пазбавіцца ад шкодных звычак, атрымаць парады па фарміраванні і вядзенні ЗЛЖ. Яшчэ ў рамках марафону #САД бясплатныя кансультацыі дадуць урачы-спецыялісты: дыетолаг, кардыёлаг, неўролаг, валеолаг і траўматолаг-артапед.

Вельмі эмацыянальным было выступленне перад прысутнымі Аляксея Талая, зорнага пасла II Еўрапейскіх гульняў 2019 года, матывацыйнага трэнера, майстра спорту, члена Параалімпійскай Нацыянальнай зборнай па плаванні.

Славуты спартсмен, які ў 16-гадовым узросце пазбавіўся рук і ног, заклікаў людзей з інваліднасцю не замыкацца ў сабе, не спрабаваць стварыць ілюзію ўласнага дабрабыту, пускаючыся ва ўсе цяжкія. Праблемы не сыдуць, а здароўе не зробіцца мацнейшым – наадварот. Сыходзячы ў бутэльку, лёгка і хутка можна згубіць увесь свой патэнцыял і рэзервовыя магчымасці арганізма.

 
Аляксей Талай
Зорны пасол II Еўрапейскіх гульняў 2019 года, матывацыйны трэнер, майстар спорту, член Параалімпійскай нацыянальнай зборнай па плаванні
З інваліднасцю можна жыць і быць паспяховым. Я сам з пэўнага часу актыўна займаюся спортам. А месяц таму стаў рэкардсменам Еўропы і свету. І мне вельмі радасна, калі атрымліваю сотні лістоў ад хлопчыкаў і дзяўчынак, для якіх я жывы прыклад таго, што з інваліднасцю жыццё не заканчваецца. Я заклікаю: не страчвайце надзею, шукайце пазітыў ва ўсім! Жыццё працягваецца – і гэта само па сабе шчасце. Не чакайце, калі хтосьці прыйдзе ў вашу поўную адчаю кватэру, – выходзьце з яе самі!
Фота з Нацыянальнага прэс-цэнтра – Валянціна Мохар.

Падпісвайцеся на наш канал у Telegram, групы ў Facebook, «УКантакце», у «Аднакласніках» – і будзьце ў курсе свежых навінаў! Толькі цікавыя відэа на нашым канале YouTube, далучайцеся!

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

118 0 31

Журналіст. Вышэйшая адукацыя. Сябра Беларускага саюза журналістаў. Стаж працы ў прафесіі – 20 гадоў. Беларуска. Нарадзілася ў г.Ганцавічы Брэсцкай вобласці. У 2001 годзе скончыла факультэт журналістыкі Беларускага дзяржаўнага ўніверсітэта па спецыяльнасці «Журналістыка». Працавала спецыяльным карэспандэнтам аддзела эканомікі газеты «Беларуская ніва», аглядальнікам аддзела пісьмаў, аглядальнікам аддзела сацыяльных праблемаў газеты «Савецкая Беларусь» (зараз – «Выдавецкі дом «Беларусь сёння»). З 2016 года – карэспандэнт уласны аддзела інтэрнэт-праектаў РУП «Рэдакцыя газеты «Медыцынскі веснік». З 2000 года з'яўляецца сябрам Беларускага саюза журналістаў (БСЖ). У 2002 годзе стала лаўрэатам прэміі БСЖ за лепшую журналісцкую працу. У 2017 годзе – лаўрэатам прэміі БСЖ «Залатое пяро».