Здаровыя людзі. — Кантралюй здароўе — У Беларусі выяўленыя тры чалавекі з каранавірусам. Міністэрства аховы здароўя – пра сітуацыю

3 Сакавіка

03.03.2020

У Беларусі выяўленыя тры чалавекі з каранавірусам. Міністэрства аховы здароўя – пра сітуацыю

Кантралюй здароўе

272 0 68

Аўтар:

Вольга Стружынская

Памер шрыфта:

Наталля Жукава

Намеснік міністра аховы здароўя – Галоўны дзяржаўны санітарны ўрач Рэспублікі Беларусь

У нас зарэгістраваныя тры выпадкі каранавіруснай інфекцыі. Разам з тым, каб пацвердзіць нашы вынікі тэстаў, мы прынялі рашэнне аб іх накіраванні ў адну з рэферэнс-лабараторый Сусветнай арганізацыі аховы здароўя.

Самаадчуванне ўсіх траіх пацыентаў – здавальняючае. Два чалавекі, якіх выявілі ў Мінску, як распавёў галоўны пазаштатны інфекцыяніст Міністэрства аховы здароўя, загадчык кафедры інфекцыйных хваробаў БДМУ, д.м.н., прафесар Ігар Карпаў, адчуваюць сябе нармальна. У аднаго з іх не было зафіксавана ні тэмпературы, ні катаральных з’яў.

Ігар Карпаў

Галоўны пазаштатны інфекцыяніст Міністэрства аховы здароўя, загадчык кафедры інфекцыйных хваробаў БДМУ, д.м.н., прафесар

Падчас нядаўняй размовы з прадстаўнікамі СААЗ мы спыталіся, ці тыпова гэта для каранавіруснай інфекцыі. Нам адказалі, што такія выпадкі (калі няма праявы сімптомаў) сустракаюцца, і значна часцей, чым раней меркавалася. Мы кантралюем сітуацыю, і ў выпадку ўзнікнення сімптомаў гатовыя аказаць пацыентам неабходную дапамогу.

Пацыентка з Віцебска, у якой таксама быў выяўлены РНК каранавіруса, паведаміў начальнік ГУАЗ Віцебскага аблвыканкама Юрый Дзеркач, знаходзіцца ў інфекцыйнай бальніцы. Яе стан – здавальняючы. Тэмпература нармальная.

14 дзён карантыну

Галоўны дзяржаўны санітарны ўрач падкрэсліла, што ўсе мерапрыемствы, якія праводзяцца ў краіне, накіраваныя на папярэджанне завозу выпадкаў каранавіруса, прадухіленне распаўсюджвання і лакалізацыі ачагу інфекцыі (выяўленне максімальнай колькасці асобаў, якія кантактавалі з захварэлым).

У першую чаргу на наяўнасць каранавіруса абследуюцца тыя, хто вярнуўся з эпідэміялагічна небяспечных краінаў, а таксама людзі, якія кантактавалі з імі, асабліва ў выпадку наяўнасці сімптомаў, што не выключаюць інфекцыю.

Наталля Жукава

Намеснік міністра аховы здароўя – Галоўны дзяржаўны санітарны ўрач Рэспублікі Беларусь

Пытанне, якое нам часам задаюць: ці магчыма па ўласным жаданні прайсці абследаванне на каранавірус? Абследаванне праводзіцца толькі па прызначэнні ўрача і ў сувязі з пэўнай сітуацыяй (напрыклад, вярнуліся з краіны, у якой рэгіструюцца выпадкі каранавіруса, або мелі стасункі з тымі, хто прыбыў).

Начальнік галоўнага ўпраўлення арганізацыі медыцынскай дапамогі, экспертызы, зваротаў грамадзян і юрыдычных асобаў Міністэрства аховы здароўя Алена Богдан распавяла, што пацыенты, якія змешчаныя ў кантактныя цэнтры, – асобы, што прыбылі з 4 краінаў (Кітай, Іран, Італія і Паўднёвая Карэя), знаходзяцца там на працягу 14 дзён. Менавіта столькі, як правіла, доўжыцца інкубацыйны перыяд развіцця каранавіруснай інфекцыі. Правядзенне гэтых прафілактычных абмежавальных мераў дазволіла выявіць трох пацыентаў, якія сёння ёсць, падкрэсліла спецыяліст.

Алена Богдан

Начальнік галоўнага ўпраўлення арганізацыі медыцынскай дапамогі, экспертызы, зваротаў грамадзян і юрыдычных асобаў Міністэрства аховы здароўя

У нашы кантакт-цэнтры на 14 дзён змяшчаюцца людзі, якія знаходзіліся ў краінах, небяспечных па каранавірусу. Калі ў іх узнікаюць прыкметы вострага рэспіраторнага захворвання, іх у абавязковым парадку накіроўваюць у інфекцыйную бальніцу для верыфікацыі дыягназу. Разам з аналізам на каранавірус праводзяцца даследаванні і на іншыя вірусы рэспіраторнай групы. У каго дыягназ «каранавірус» не пацвярджаецца, той вяртаецца ў кантактны цэнтр або на перапрафіляваны ложак – для таго, каб завяршыць лячэнне і назіранне на працягу 2 тыдняў. Хачу звярнуць увагу, што тыя захворванні, якія пакуль выяўляюцца, у звычайнай сітуацыі не патрабавалі б ніякай шпіталізацыі, а часцяком і вызвалення ад працы або навучання.

Тым, хто знаходзіцца ў кантакт-цэнтрах, выдаюцца лісткі непрацаздольнасці на 14 дзён – з указаннем, што бальнічны лісток выдаецца ў сувязі з санітарна-эпідэміялагічнымі мерапрыемствамі, што праводзяцца. Калі ж у чалавека за гэты перыяд узнікаюць прыкметы ВРІ, бальнічны ён атрымлівае па гэтым захворванні.

СААЗ: рызыка распаўсюджвання інфекцыі – вельмі высокая

Як адзначыў прадстаўнік СААЗ Батыр Бердыклычаў, рост новых выпадкаў, які працягваецца, а таксама вялікая колькасць краінаў, у якіх быў дыягнаставаны каранавірус, паслужылі падставай для Сусветнай арганізацыі аховы здароўя перагледзець рызыку распаўсюджвання інфекцыі ва ўсім свеце і павысіць яе з «высокай» да «вельмі высокай».

Батыр Бердыклычаў

Прадстаўнік СААЗ

СААЗ заклікае краіны сфакусавацца на трох прыярытэтах. Перш за ўсё, працягваць меры супрацьэпідэмічнага нагляду, санітарна-эпідэміялагічныя мерапрыемствы, а таксама забяспечыць абарону медыцынскага персаналу, бо менавіта яны знаходзяцца ў зоне рызыкі заражэння. Акрамя гэтага, неабходна своечасова інфармаваць насельніцтва пра сітуацыю, каб пазбегнуць распаўсюджвання чутак.

Асноўныя рэкамендацыі СААЗ застаюцца ранейшымі. Увядзенне якіх-небудзь радыкальных мераў па забароне на падарожжы, паездкі або гандаль не з’яўляюцца эфектыўнымі і цягнуць за сабой негатыўныя сацыяльна-эканамічныя наступствы, падкрэсліў Батыр Бердыклычаў.

Наталля Жукава параіла: пры вяртанні з эпідэміялагічна небяспечных краінаў, дзе рэгіструюцца выпадкі захворвання, на працягу 14 дзён неабходна звяртаць увагу на стан свайго здароўя. Пры выяўленых сімптомах – выклікаць хуткую медыцынскую дапамогу. У выпадку, калі стан здароўя здавальняючы, але ёсць сумненні, можна звярнуцца да ўрача і правесці неабходныя даследаванні.

Фота – Вольга Стружынская і з адкрытых інтэрнэт-крыніц.

Падпісвайцеся на наш канал у Telegram, групы ў Facebook, «УКантакце», у «Аднакласніках» – і будзьце ў курсе свежых навінаў! Толькі цікавыя відэа на нашым канале YouTube, далучайцеся!

Каранавірус CoViD-19.88

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

272 0 68

Вольга Стружынская

Нарадзілася і жыву ў Мінску. У 1995 годзе скончыла сталічную сярэднюю школу №168, затым паступіла ў Беларускі дзяржаўны ўніверсітэт на факультэт журналістыкі. Пасля заканчэння вучобы ў 2000 годзе была размеркаваная ў Беларускае тэлеграфнае агенцтва (БелТА), дзе 8 гадоў прапрацавала спецыяльным карэспандэнтам аддзела палітычнай і сацыяльнай інфармацыі. У розныя гады асвятляла падзеі ў сферы навукі, культуры, адукацыі і аховы здароўя. У 2011 годзе перайшла ў прэс-службу Міністэрства аховы здароўя. Кола маіх абавязкаў уключала, у тым ліку арганізацыю сустрэчаў спецыялістаў са СМІ, складанне прэс-рэлізаў, забеспячэнне журналістаў інфармацыяй пра дзейнасць сферы аховы здароўя, а таксама падрыхтоўку аператыўных каментароў экспертаў і фарміраванне стужкі навінаў афіцыйнага сайта міністэрства. З 2017 года працую ўласным карэспандэнтам аддзела інтэрнэт-праектаў рэдакцыі газеты «Медыцынскі веснік». З'яўляюся аўтарам публікацый на інфармацыйным партале «Здаровыя людзі» і сайце для падлеткаў «Teenage.by».

Глядзіце таксама

Кантралюй здароўе

Міністэрства аховы здароўя: «У 22 чалавек – адмоўныя тэсты на COVID-19, 59 застаюцца пад медыцынскім кантролем»

24 Сакавіка

0 318

Кантралюй здароўе

Скрынінг — шанец на жыццё без раку

12 Мая

0 144

Кантралюй здароўе

Выбар метаду пластыкі грудзей і імплантата

29 Лістапада