Сучаснай жанчыне мала быць прыгожай, нараджаць дзяцей і забяспечваць хатнюю ўтульнасць. Быць запатрабаванай у прафесіі, раскрыць свой асобасны патэнцыял, упэўнена ісці па кар'ернай лесвіцы, нароўні з мужчынамі забяспечваючы матэрыяльны дабрабыт і фінансавую моц сям'і, – гэтага чакаюць ад сучаснай жанчыны. І да гэтага перш за ўсё імкнецца яна сама. Прытым што «абавязак» быць прыгожай, нараджаць дзяцей і забяспечваць сямейную ўтульнасць з яе ніхто не здымаў. Падобна на тое, што ў мілых дам усё меней шанцаў называцца слабым полам.
Ці рэальна нашай сучасніцы быць паспяховай і запатрабаванай у прафесіі без шкоды для шчаслівага мацярынства і сямейных адносінаў? Чаго ёй гэта каштуе і дзе без апоры на моцнае мужчынскае плячо не абысціся?
Абмеркаванне гэтых не толькі вельмі жаночых тэмаў адбылося напярэдадні Міжнароднага жаночага дня ў Грамадскім прэс-цэнтры Дома прэсы. За круглым сталом сабраліся найярчэйшыя прадстаўніцы беларускай і замежнай жаночай супольнасці.
Кожная з іх ужо займае значнае месца ў сацыяльным і грамадска-палітычным жыцці сваёй краіны, пры гэтым з'яўляючыся ўзорнай маці і прыкладнай жонкай. Але вось свята прайшло. А актуальнасць узнятых у размове тэмаў засталася.
Дзелімся з нашымі чытачамі найбольш каштоўнымі поглядамі жанчын на вобраз паспяховай сучасніцы ў кантэксце мацярынства і сямейных каштоўнасцяў.
Паводле звестак Белстата, у Беларусі пражывае больш за 5 мільёнаў прадстаўніц прыгожага полу. Каля 84% жанчын працаздольнага ўзросту занятыя ў эканоміцы краіны.
Сапраўды жаночы твар маюць сферы аховы здароўя, адукацыі, фінансавай і страхавой дзейнасці, гандлю (ад 70% да 86%). Каля 40% месцаў у беларускім парламенце займаюць актыўныя, таленавітыя і разумныя жанчыны.
Фота прадстаўлена Грамадскім прэс-цэнтрам Дома прэсы і ўзята з адкрытых крыніц.
Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by