22.01.2020
22.01.2020

Ведаць пра ВІЧ і не баяцца

logo
Навiны
296 031
Памер шрыфта:
  • A
  • A
  • A
Падведзеныя вынікі рэспубліканскага конкурсу графічных работ сярод насельніцтва Беларусі па праблеме ВІЧ-інфекцыі на тэму «Фарміраванне талерантнага стаўлення да людзей, якія жывуць з ВІЧ. Пераадоленне стыгмы і недапушчэнне дыскрымінацыі».

Конкурс быў арганізаваны Міністэрствам аховы здароўя Рэспублікі Беларусь, а сама цырымонія ўзнагароджання пераможцаў і ўдзельнікаў адбылася на базе дзяржаўнай установы «Рэспубліканскі цэнтр гігіены, эпідэміялогіі і грамадскага здароўя».

З 737 работ, якія ўдзельнічалі ў конкурсе, толькі 8 змаглі атрымаць высокую ацэнку экспертнага журы.

У намінацыі «Чалавек, які жыве з ВІЧ, – раўнапраўны грамадзянін грамадства. Талерантнасць – аснова гуманнай дзяржавы» першае месца заняла работа «Адны пачуццi – адны людзi» Аляксея Цыганова, галоўнага дзяржаўнага санітарнага ўрача Круглянскага раёна Магілёўскай вобласці – галоўнага ўрача ўстановы аховы здароўя «Круглянскі раённы цэнтр гігіены і эпідэміялогіі».

ВІЧ.

Другое месца было прысуджанае Таццяне Сазановіч з горада Асіповічы. Работа «#безразличныхНЕТ».

ВІЧ-СНІД

У намінацыі «Дакладныя факты пра ВІЧ-інфекцыі на сучасным этапе. Веданне дапаможа развеяць міфы» работа «Ведаць і не баяцца» Юліі Мітракінай з а/г Лясны заняла першае месца і прыцягнула ўвагу журы сваім пазітыўным сюжэтам.

ВІЧ.

 
Іна Карабан
Галоўны эпідэміёлаг Міністэрства аховы здароўя Рэспублікі Беларусь
Наша прафілактычная работа накіраваная на зніжэнне стыгмы ў дачыненні да людзей, якія жывуць з ВІЧ, у аснове якой ляжаць не веды і не разуменне пра саму ВІЧ-інфекцыю. Мы хочам памяняць стаўленне як да самой праблемы, так і да людзей, у якіх яна ёсць. У сучасных умовах чалавек, які мае ВІЧ станоўчы статус і прымае антырэтравірусныя прэпараты, ужо не нясе небяспекі для навакольных. ВІЧ-інфекцыя зрабілася хранічным захворваннем, і пражыць з ёй можна вельмі доўга.
 
Алег Скрыпко
Урач-інфекцыяніст, намеснік галоўнага ўрача па амбулаторным падзеле работы Гарадской клінічнай інфекцыйнай бальніцы
Цяпер няма праблемаў у лячэнні ВІЧ-інфекцыі, але ёсць праблема ў негатыўным стаўленні да чалавека з ёй. Мы прыкладаем шмат намаганняў, каб стварыць пазітыўны стэрэатып мыслення ў дачыненні да такіх людзей і матываваць на лячэнне ўсіх, хто мае ў тым патрэбу. Пры раннім выяўленні ВІЧ-інфекцыі і прызначэнні неабходнага лячэння (у Беларусі такое лячэнне праводзіцца на бясплатнай аснове) чалавек не паспявае набываць выяўленых праяў імунадэфіцыту і жыве гэтак жа, як чалавек з любым хранічным захворваннем.
 
Сяргей Кручынін
Старшыня экспертнага савета і журы конкурсу
ВІЧ-інфекцыя развіваецца ва ўзроставай групе 35 + і людзей старэйшых, таму інфармацыйная праца з імі найбольш цяжкая. Людзі баяцца здаць тэст на ВІЧ і не заўсёды выконваюць правілы асабістай гігіены. Стэрэатып іх мыслення, страх хваробы не дае прыняць правільнае рашэнне.
ВІЧ.

Калі ў вас усё ж узніклі пытанні па ВІЧ/СНІДу або неабходнасць здаць аналізы ананімна і бясплатна, заўсёды можна звярнуцца ў Рэспубліканскі або абласныя цэнтры гігіены, эпідэміялогіі і грамадскага здароўя.

Кантактныя тэлефоны:

Мінск (017) 321 22 68

Брэст (0162) 20 75-86

Віцебск (0212) 23 80 82

Гомель (0232) 75 71 40

Гродна (0152) 75 57 48

Магілёў (0222) 71 65 83

Фота – Аксана Жураўлёва.

Падпісвайцеся на наш канал у Telegram, групы ў Facebook, «УКантакце», у «Аднакласніках» – і будзьце ў курсе свежых навінаў! Толькі цікавыя відэа на нашым канале YouTube, далучайцеся!

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

296 0 31

Журналіст. Радыёвядучая. Вышэйшая адукацыя. Стаж працы ў прафесіі – 20 гадоў. Родам з горада Маладзечна Мінскай вобласці. Адукацыя: сярэдняя агульнаадукацыйная школа мастацтваў г.Маладзечна з 1987 па 1998 год. З 2003 года дыпламаваны спецыяліст па сувязях з грамадскасцю. Скончыла факультэт журналістыкі Беларускага дзяржаўнага ўніверсітэта па спецыяльнасці «Інфармацыя і камунікацыя». Праца: усвядомленую працоўную дзейнасць пачала ў 1999 годзе, калі стала пазаштатным карэспандэнтам у «Маладзечанскай газеце» і на радыё «Маладзечна». З 2001 года працавала журналістам і спецыялістам па сувязях з грамадскасцю ў Грамадскім прэс-цэнтры, у прэс-цэнтры УУС Мінаблвыканкама, Нацыянальным прэс-цэнтры Рэспублікі Беларусь і журналістам у часопісе «Галоўны бухгалтар» ТАА «Агенцтва Уладзіміра Граўцова». З ліпеня 2003 года – рэдактар Першага Нацыянальнага канала Беларускага радыё. Пасаду адказнага сакратара атрымала ў 2005 годзе ў дырэкцыі канала «Культура» Беларускага радыё. Акрамя забеспячэння планава-фінансавай дзейнасці канала «Культура», вядзення справаводства, актыўна займалася журналістыкай. З'яўлялася аўтарам і вядучай многіх музычна-забаўляльных праграм. Займаючы актыўную жыццёвую пазіцыю ў структуры Белтэлерадыёкампаніі, была абрана сябрам рэвізійнай камісіі прафсаюзнай арганізацыі. Са снежня 2017 года – рэдактар аддзела інтэрнэт-праектаў РУП «Рэдакцыя газеты «Медыцынскі веснік». З'яўляюся рэдактарам сайта газеты «Медыцынскі веснік», журналістам інфармацыйнага партала «Здаровыя людзі» і намеснікам старшыні першаснай прафсаюзнай арганізацыі.