10 Мая
10.05.2020

Як не патаўсцець на самаізаляцыі? Парады спецыяліста па правільным харчаванні і ладзе жыцця

logo
Харчуйся правільна
298 0 11
Памер шрыфта:
  • A
  • A
  • A
«Ты – тое, што ты ясі». Гэтую фразу, якая даўно ўжо зрабілася крылатай, не раз чуў кожны з нас. Аднак не многія задумваюцца, які сэнс яна ў сабе нясе. Правільнае харчаванне – залог прыгажосці і здароўя. Для звычайнага праходжання ўсіх фізіялагічных працэсаў у арганізме чалавека неабходныя пажыўныя рэчывы, вітаміны, мінералы. Калі арганізм чагосьці недаатрымлівае або атрымлівае ў лішку, гэта не толькі аказвае негатыўны ўплыў на працу ўнутраных органаў і сістэмаў, але і адлюстроўваецца на вонкавым выглядзе чалавека.
Харчаванне. Самаізаляцыя. Ядзім карыснае.

Увесну наш арганізм пакутуе ад недахопу вітамінаў, зніжаецца імунітэт, таму ў гэты час мы часта хварэем на ВРВІ. Таксама за зіму мы, як правіла, набіраем лішнія кілаграмы, бо з-за холаду пастаянна хочацца есці. Прычым што-небудзь каларыйнае і далёка не карыснае.

Каб «выгнаць» гэтыя калорыі, трэба прыкласці значна больш маральных намаганняў, бо з-за кароткіх светлавых дзён хочацца спаць, а не займацца спортам. Але лішняя вага – гэта не адзіная праблема, з якой можна сутыкнуцца ў выніку такога харчавання. Сухая скура, высыпанні, ломкія валасы, сінякі і мяшкі пад вачыма, хутчэй за ўсё, прыйдуць да вас бонусам.

Зіма скончылася, але на змену ёй прыйшло новае выпрабаванне – пандэмія каранавіруса. Зыходзячы з вопыту іншых краінаў і парадаў СААЗ, многія людзі па магчымасці сышлі на самаізаляцыю. У выніку толькі адзінкі адаптавалі свой звычайны рэжым (харчаванне, фізічную актыўнасць) пад умовы «чатырох сценаў», астатнія ж зноў «улегліся ў зімовую спячку». Акрамя таго, многія з тых, хто самаізаляваўся, працягваюць працаваць, але падалена.

Самаізаляцыя. Падаленая праца.

Шматгадзіннае сядзенне перад экранам камп’ютара, як правіла, дапаўняецца нашымі любімымі шкоднымі звычкамі: трансфармавацца ў позу пытальніка, закінуць нагу на нагу, цукерку ў рот, выпіць пару лішніх кубкаў гарбаты ці кавы з трыма лыжкамі цукру. Таксама пры працы за камп’ютарам напружваюцца вочы і мышцы ўсяго цела. Вядома, пасля нам хочацца адпачыць, а не зрабіць пару-тройку фізічных практыкаванняў.

Як жа не патаўсцець на самаізаляцыі і заадно паклапаціцца пра свой фізічны стан? Мы звярнуліся да спецыяліста і падрыхтавалі для вас некалькі спосабаў, якія працуюць.

Юлія Раманенка, урач-інфекцыяніст, раіць надаць асаблівую ўвагу харчаванню на самаізаляцыі. Яна рэкамендуе складаць меню з улікам патрэбаў арганізма і расходу энергіі, абмяжоўваць спажыванне цукру і тлушчаў, аддаваць перавагу прадуктам, якія змяшчаюць клятчатку, кантраляваць памер порцыі.

– Ва ўмовах самаізаляцыі варта абмежаваць спажыванне цукру: замест прысмакаў аддавайце перавагу свежай садавіне. Калі няма магчымасці, дык замарожанай садавіне, ягадам, сухафруктам без дадання цукру.

Старайцеся не падсалоджваць напоі: гэта дадатковыя калорыі і ніякай карысці для арганізма. Таксама варта абмежаваць спажыванне тлушчаў. Выбірайце спосабы прыгатавання ежы з мінімальным выкарыстаннем сланечнікавага, аліўкавага алею альбо зусім без іх.

У рацыёне абавязкова павінны прысутнічаць прадукты, якія змяшчаюць клятчатку: уключайце ў меню большую колькасць садавіны, гародніны, бабовых. Аднак трэба сказаць, што нават карысныя прадукты ў лішку прывядуць да набору лішняй вагі, таму варта кантраляваць памер порцыі. Каб выпадкова не з’есці лішняга, не прымайце ежу перад камп’ютарам або тэлевізарам.

Харчаванне. Самаізаляцыя. Не ядзім перад камп'ютарам.Юлія падкрэслівае важнасць захавання пітнога рэжыму. Абязводжванне арганізма выклікае мноства негатыўных наступстваў для арганізма як знутры, так і звонку: парушаецца праца ўнутраных органаў і сістэмаў, пагаршаецца стан скуры.

– Неабходна спажываць дастатковую колькасць пітной вады без газу. Замена напояў, якія ўтрымліваюць цукар, вадой – лепшы спосаб скараціць спажыванне цукру і лішніх калорый. Таксама варта скараціць або выключыць спажыванне алкаголю.

Чаму падчас працы за камп’ютарам мы часта перакусваем цукеркамі, печывам ці снэкамі? Бо гэта ўсё ёсць у нас дома і ляжыць на вачах. Каб пазбегнуць такой спакусы, трэба ўсяго толькі перастаць гэта купляць. Каб у краме рука мімаволі не пацягнулася за шкодным, хадзіце ў туды сытымі, а таксама прадумайце і запішыце, што вам сапраўды трэба купіць. Так вы зберажэце сябе ад лішніх марнаванняў і лішніх кілаграмаў. У сітуацыі з пандэміяй пры паходзе ў краму варта таксама не забывацца на меры засцярогі.

Перад паходам у краму складзіце спіс, каб пазбегнуць непатрэбных пакупак. Калі вырашылі выйсці на вуліцу, не варта забывацца на выключэнні наведвання месцаў масавага збору людзей. Трымайце дыстанцыю мінімум 1 метр, захоўвайце масачны рэжым.

Харчаванне. Самаізаляцыя. У крамы са спісам прадуктаў.

Дыетолагі кажуць, што наладзіць харчаванне – гэта, вядома ж, добра. Але гэтак жа важна выконваць фізічныя практыкаванні. Бо праца за камп’ютарам, асабліва ў нязручнай позе, – гэта заўсёды напружанне для пазваночніка, мышаў і вачэй.

– СААЗ раіць 150 хвілін умеранай фізічнай актыўнасці, ці 75 хвілін інтэнсіўнай фізічнай актыўнасці ў тыдзень, альбо спалучэнне ўмеранай і інтэнсіўнай фізічнай актыўнасці.

Як гэтага дасягнуць? На працягу дня рабіць перапынкі, размінку, можна праз кожную гадзіну заводзіць будзільнік як напамін пра тое, што пара размяць мышцы. Выкарыстоўвайце анлайн-рэсурсы з мноствам комплексаў практыкаванняў, якія можна выконваць дома без спецыяльнага абсталявання. Таксама не варта забывацца на здароўе вачэй: перыядычна засяроджвацца на падаленым аб’екце, часцей міргаць.

Гатова! Цяпер вы разбіраецеся ў пытанні, як не набраць лішнія кілаграмы і не пагоршыць здароўе, знаходзячыся на самаізаляцыі. Калі вы і раней не надавалі асаблівай увагі свайму здароўю, не задумваліся пра харчаванне, дык цяперашняе становішча – гэта добрая магчымасць пачаць.

Падпісвайцеся на наш канал у Telegram, групы ў Facebook, «УКантакце», у «Аднакласніках» – і будзьце ў курсе свежых навінаў! Толькі цікавыя відэа на нашым канале YouTube, далучайцеся!

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

298 0 11