22.04.2022
22.04.2022

Як прыгатавць проста і смачна булкі на Вялікдзень? Парады кулінарнага блогера

logo
Рэцэпты
82 0167
Памер шрыфта:
  • A
  • A
  • A
Аўтары:
Вікторыя Аскера-Дубовік, 
Настасся Мясаедава

Вялікдзень – вялікае царкоўнае свята, пра якое кожнаму з нас вядома яшчэ з дзяцінства. Да ўрачыстасці фарбуюць яйкі і пякуць смачныя булкі, якія прынята асвятляць у царкве.

Безумоўна, Вялікдзень сустракаюць па асабліваму. Загадзя ўсе члены сям’і прыбіраюцца ў хаце, прытрымліваюцца посту і чакаюць гэты адзін з найважнейшых светлых дзён у годзе, набываючы ў крамах розныя прысмакі. Нават булкі сталі купляць. А памятаеце, як было раней! Прыязджаеш да бабулі, а ў яе такі смачны пах на ўсю хату: гэта яна булку толькі спякла ў печцы.

Зараз насамрэч штосьці гатаваць у духоўцы бывае лянота. Аднак выйсце ёсць! Блогерка з Бешанковіч Настасся Мясаедава займаецца пошукам і стварэннем менавіта простых рэцэптаў. Яна мама дзвюх маленькіх дзяўчынак, таму часу мае не шмат, а накарміць сям’ю трэба.

Некалькі гадоў запар Настасся вядзе актыўную блогерскую дзейнасць і дзеліцца са сваімі падпішчыкамі смачнымі, а галоўнае нескладанымі рэцэптамі з прадуктаў, якія вы зможаце набыць ў любой краме. На гэты раз дзяўчына раскрыла некалькі сакрэтаў, як на Вялікдзень проста і хутка спекчы смачныя і порыстыя булкі з прыгожай глазурай.

Прапануем некалькі рэцэптаў:

Смачная і простая ў выкананні велікодная булка, якая атрымаецца абсалютна ва ўсіх

Кулич на драждэах

Рыхтуем рошчыну:

100 мл малака падцяпліць у мікрахвалеўцы, дадаць да яго 4 г сухіх хуткадзейных дрожджаў, 1 гарбатную лыжку цукру і 1 гарбатную лыжку мукі. усё добра змяшайце венчыкам і адпраўце ў цёплае месца на 10-15 хвілін, пакуль не ўтворыцца зверху плеўка.

Гэта значыць, што дрожджы «запрацавалі» ( у аўтара рэцэпта ў якасці цёплага месца была духоўка, уключаная на мінімум, прыкладна 30-40 ° )

За гэты час рыхтуем цеста:

2 яйкі ўзаб’ём з 50 г цукру да лёгкай пены, затым трэба дадаць 40 гр распаленага сметанковага масла, крыху мукі і перамешваем.

Уліваем нашу рошчыну і паступова падсыпаем усю астатнюю муку (Настассі спатрэбілася 250 г).

Кулич з дражджэй 2

Цеста павінна атрымацца густое і пруткае. Накрываем форму ручніком, харчовай плёнкай або вечкам і адпраўляем у цёплае месца прыкладна на паўтары гадзіны ( у аўтара гэта, зноў жа ,была духоўка. вы можаце паставіць на сонечны падваконнік альбо да батарэі)

Цеста павінна падняцца разы ў тры і быць паветраным і ў бурбалках. Калі гэтага не адбываецца, значыць цесту мала цяпла. Пачакайце яшчэ.

Пакуль цеста паднімаецца, разынкі (50гр) трэба заліць кіпенем, затым абсушыць на ручніку і абсыпаць мукой.

Калі цеста паднялося, акуратна ўсыпаем разынкі і вымешваем лыжкай ад краёў да сярэдзіны. цеста павінна добра адліпаць ад талеркі.

Гэтай колькасці цеста хопіць на адну булку 13,5 см у дыяметры.

Куліч з дражджоў 3

Перакладаем цеста ў форму, ставім у халодную духоўку і ўключаем яе на 180°. Калі нагрэецца, засякаем прыкладна 40 -50 хвілін.

Гатоўнасць правярайце доўгай шпажкай або зубачысткай: калі нічога не прыліпае, значыць наш куліч гатовы. Калі раптам будзе гарэць зверху, яго можна прычыніць фальгой або пергаментнай паперай.

Булка атрымліваецца лёгкай, мяккай і ў меру салодкай. Рыхтуйце і прыемнага вам апетыту.

Тварожная велікодная булка

Тварожны кулич

Выдатны ПП варыянт, 294 кк на 100 гр. Свята Вялікадня таксама можа быць смачным для тых, хто худзее да лета.

Вельмі просты склад і хуткае прыгатаванне:

  • 4 яйкі (у аўтара С2)
  • 10 гр цукразаменніка або 100 гр цукру
  • 200 гр мукі ( Настасся брала пшанічную вышэйшага гатунку, можна іншую, больш карысную)
  • 200 гр тварагу ў брыкеце
  • 1 г л соды (гасіць не трэба)
  • Цэдра лімона 1 ч л
  • 50 гр разынак
  • 50 гр распаленага сметанковага масла

Яйкі ўзбіць з цукрам або цукразаменнікам да белай лёгкай пены. Дадаць тварог, алей, соду і цэдру лімона. Ізноў усё добра ўзбіць да аднастайнасці

Затым дадаць муку і разынкі, змяшаць лыжкай. Цеста будзе тугое і вельмі густое.

Такой колькасці хопіць на адну булку дыяметрам 13 см. Перакладаем цеста ў форму, змазваем лыжку алеем і згладжваем верх.

Твароожны куліч

Выпякаем у духоўцы пры 160 С хвілін 45 . Правяраем гатоўнасць зубачасткай.

Даём яму астыць, упрыгожваем і атрымліваем асалоду ад смаку і кулінарнай эстэтыкі.

Булка атрымліваецца ў меру сакавітай, не сухой, з тонкай ноткай лімону. Да раніцы не счарсцвее.

Глазура на велікодную булку, якая ў вас дакладна атрымаецца

  • Спатрэбіцца бялок аднаго яйка
  • 100 гр цукровай пудры
  • Лімонка на кончыку нажа (або лімонны сок 0,5 г л)

Глазура для куліча

Яйка павінна быць з халадзільніка

Бялок узбіваем пару хвілін да белай пены, усыпаем частку пудры і лімонку. Узбіваем, затым дадаем астатнюю цукровую пудру. Узбіваем да поўнага растварэння пудры і да белай цягучай кансістэнцыі.

Калі жадаеце каляровую, то можна дадаць харчовы фарбавальнік.

Глазура для кулічоў 2

Глазуру лепш патрымаць у халадзільніку хвілін 20, як раз куліч амаль астыне. Намазваць трэба на практычна астылы куліч, каб глазура сцякала натуральным чынам.

Праз гадзіны тры яна цалкам застывае

Радаснага і прыожага вам свята! Прыемнага апетыту!

Рэцэпты і фота Настассі Мясаедавай

Матэрыялы на сайце bel.24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце bel.24health.by

82 0 167