05.05.2023
05.05.2023

Як зрабіць незабыўныя беларускія «калдуны»? Прапануем пакрокавы рэцэпт

logo
Рэцэпты
0
Памер шрыфта:
  • A
  • A
  • A

Традыцыйна калдуны гатуюць з мучнога цеста, у якое «запячатваецца» самае разнастайнае начынне. Па адной версіі, такі спосаб падрыхтоўкі мог прыйсці на беларускія землі з Захаду, а назва — ад лацінскага слова calduna.

Па іншай версіі, падобную страву прывезлі з Усходу татары, якія аселі тут у часы князя Вітаўта. Аднак сёння ўжо цяжка вызначыць, хто быў першым, тым больш што «сваякі» калдуноў ёсць у розных кухнях свету: пельмені, варэнікі, равіолі, манты, хінкалі…

І, вядома, беларускія калдуны маюць свае асаблівасці, тонкасці прыгатавання, унікальныя мясцовыя варыяцыі рэцэптаў і незвычайныя спалучэнні інгрэдыентаў.

Па спосабах гатавання калдуны — адна з тых страў, якая можа быць рознай па гусце пры адным і тым жа складзе: іх вараць, запякаюць, пякуць на патэльні ці ў вялікай колькасці алею.

Напрыклад, "палескія калдуны" з начыннем з рыбы з яйкам і зелянінай прынята гатаваць менавіта ў фрыцюры.

Блогер і гаспадыня харчэўні ў старажытным Тураве Алена Браніславаўна часта частуе сваіх гасцей смачнымі калдунамі, рэцэптам якіх падзялілася і з намі.

Калдуны 2

Інгрэдыенты  

Інгрэдыенты для калдуноў

Для цеста

  • Бульба
  • Цыбуля
  • Мука 1-2 лыжкі
  • Соль

Для начыння

  • Фарш (па гусце)
  • Цыбуля
  • Соль
  • Спецыі

Спосаб прыгатавання

Бульбу пачысціць і патараваць на дробнай тарцы. Калі ваша бульба вадзяністая, можна зліць залішнюю вадкасць.

Цеста для калдуноў

Дадаць муку, пасаліць па гусце.

Дадаць муку

Цыбулю для фарша дробна пакрышыць, прыправіць фарш спецыямі.

 

Патэльню з алеяй добра разагрэць. Выкласці бульбяное цеста ў выглядзе аладак па дзве лыжкі.

Аладкі на патэльні

Зверху выкладваем фарш.

Выкладваем фарш

На фарш зноў выкладваем слой бульбы.

Зноў выкладваем слой бульбы

Абсмажваем з усіх бакоў да гатоўнасці на невялікім агні.

Абсмажваем з усіх бакоў

Падавайце на стол са смятанай.

Калдуны са смятанай

Смачна есці!

Страва, якую гатуюць у розных мястэчках Беларусі. Рэцэпт духмянай бульбяной каўбасы

Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by

0

Блогер і гаспадыня харчэўні ў старажытным Тураве. Чалавек, які ведае ўсё пра беларускую кухню і нават больш.