11.06.2021
11.06.2021

Ці варта хлусіць… Хатніку? Тэст-«вандроўка» па «Думках услых»

logo
Навiны
0 048
Памер шрыфта:
  • A
  • A
  • A

Ну што ж, шаноўныя сябры, прапаную праверыць, наколькі ўважліва вы чытаеце матэрыялы з майго блогу «Думкі ўслых». 🙂 Спадзяюся, што пэўная інфармацыя для вас сталася карыснай?! Паее-е-е-ехалі! 🙂 За кожны правільны адказ налічваем сабе 1 бал, за няправільны – 0 балаў. Правільныя адказы можна ўбачыць пасля кожнага пытання, націснуўшы на «Даведацца больш».

1. Ці патрэбна сталым людзям спажываць семачкі?

А. Вось толькі семачак ім і не хапала! Хіба гэта добра для страўніка?!

Б. Толькі калі вельмі рэдка і калі вельмі хочацца.

В. Так, абавязкова! Герантолагі нават раяць.

Тэст. Ці патрэбна сталым спажываць семачкі.

2. Чаму нашыя продкі радаваліся, калі на Дабравешчанне згледжвалі бусла ў палёце?

А. Значыць, ураджай чакаецца багатым.

Б. Ногі балець не будуць увесь год! І справы будуць у парадку.

В. У сям’і чакаецца папаўненне.

Тэст. Чаму нашыя продкі радаваліся, згелдзеўшы на Дабравешчанне бусла ў палёце.

3. Ці варта хлусіць свайму Хатніку… 14 красавіка?

А. Калі ён усё ж існуе (а я ў гэтым сумняваюся), дык лепей яго не гнявіць хлуснёй.

В. А чаму толькі 14 красавіка?! Хлусіць дык хлусіць! Усіх падманваем раз-пораз… Чаму б і не Хатніка? J

С. 14 красавіка – дзень абуджэння Хатніка. І хлусіць яму людзі дасведчаныя раяць!

Тэст. Ці патрэбна хлусіць свайму Хатніку 14 красавіка.

4. Ці варта давяраць «амерыканскім урачам з місіяй у Сірыі» ў сацыяльных сетках?

А. Мне здаецца, што давяраць можна любым урачам, у тым ліку і гэтым…

В. Ні ў якім разе! Бо гэта (100%!) вам пішуць скамеры, махляры! І хутка вы можаце пазбавіцца сваіх грошай…

С. Нельга, бо метады амерыканскіх урачоў не падыходзяць беларусам…

Тэст. Ці варта давяраць «амерыканскім урачам з місіяй у Сірыі» ў сасетках.

5. Ці можна спажываць якімсьці чынам каштанавыя свечкі (кветкі)?

А. Так, можна! Самае простае – запарыць гарбату, карысна!

В. Не, што вы! Яна абсалютна не ядомыя і нават шкодныя!

С. Ну толькі калі ў букет паставіць, а для народнай медыцыны яны бескарысныя.

Тэст. Ці можна выкарыстоўваць каштанавыя свечкі.

6. Колькі цукру ў дзень раіць спажываць Сусветная арганізацыя аховы здароўя (СААЗ)?

А. Палову кілаграма, калі п’яце 5 разоў на дзень каву ці гарбату.

В. Не больш за 12 чайных лыжачак.

С. Лепей не спажываць цукар у чыстым выглядзе зусім, але калі хочацца, дык не больш за 1 ст.л.

Тэст. Колькі цукру ў дзень раіць спажываць СААЗ.

7. Ці праўда, што палепшыць памяць дапаможа… Піфагор?

А. Гэта ў якім сэнсе? Яго партрэт да галавы прыкладваць?! 🙂

В. Так, калі выкарыстоўваць яго методыку – прыгадваць увесь свой дзень перад сном.

С. Не-не-не, я тэарэмы не люблю са школы! І не ўзгадвайце мне пра Піфагора!

Тэст. Ці праўда, што палепшыць памяць дапаможа Піфагор.

Ну, а цяпер – падлічваем свае балы, шаноўныя сябры!

ВЫНІКІ

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

0 0 48

Рэдактар сайта, журналіст, блогер. Вышэйшая філалагічная адукацыя.Нарадзілася ў вёсцы Клінок Чэрвеньскага раёна Мінскай вобласці. З 1980 года жыву ў г.Чэрвень.У 1996 годзе скончыла Беларускі дзяржаўны педагагічны ўніверсітэт імя Максіма Танка (дыплом з адзнакай) па спецыяльнасці «беларуская мова і літаратура». З 2003 па 2005 год па ўласнай ініцыятыве вучылася дыстанцыйна ў Еўрапейскай школе карэспандэнцкага навучання, маю пасведчанне аб заканчэнні курсу «Журналістыка».У журналістыцы – з 2001 года. Працавала загадчыкам аддзела пісьмаў і масавай работы, журналістам у газеце «Раённы веснік» (г.Чэрвень), уласным карэспандэнтам абласной газеты «Мінская праўда» па Чэрвеньскім, Уздзенскім і Старадарожскім раёнах. Шмат гадоў актыўна супрацоўнічала з газетамі «Звязда», «Голас Радзімы», «Народная газета», «Беларуская ніва», «Беларуская лясная газета», часопісам «Гаспадыня». З 2018 года – рэдактар беларускай версіі сайта «Здаровыя людзі», журналіст, аўтар блога «Думкі ўслых».З’яўляюся адным з аўтараў-укладальнікаў кнігі «Памяць. Чэрвеньскі раён», кніг «Матери Минщины» (абласны праект), «С любовью к детям» (рэспубліканскі праект). Аўтар першага ў Беларусі касмічнага інтэрв’ю (Міжнародная касмічная станцыя-Зямля) з касманаўтам Раскосмасу, ураджэнцам г.Чэрвеня Алегам Навіцкім (газета «Звязда», 2013 г.).Аўтар блогу на платформе bloger.by. У 2018 годзе прызнаная пераможцай першага рэспубліканскага творчага конкурсу на лепшае асвятленне ў сродках масавай інфармацыі і сацыяльных сетках лясной тэматыкі і дзейнасці органа дзяржаўнага кіравання ў намінацыі «За прасоўванне лясной тэматыкі ў сацыяльных сетках». Узнагароджана Дыпломам Міністэрства лясной гаспадаркі.